Monday, January 22, 2018

Tohfa E Khawateen - ( Nikaah )





                   ﺑِﺴْــــــــــــــــﻢِﷲِﺍﻟﺮَّﺣْﻤٰﻦِﺍلرَّﺣِﻴﻢ

             ✰══❖══✰═══❖══✰

         鹿 *TOHFA-E-KHAWATEEN* 鹿
                  ✰﹏﹏﹏﹏﹏﹏✰       
               *⊙_ N I K A A H _ ⊙*

╨───────────────────── 
*┱✿ Ladka ho Ya Ladki Baalig hote hi Uski ShadiKar di Jaye_,*

┱ Hazrat Abu Saied aur ibne Abbaas Raziyallahu Anhum se rivayat hai k Huzoore Aqdas Sallallahu Alaihivasallam ne irshad farmaya :- Jiske koi Aulaad ho to uska achchha naam rakhe aur use Adab sikhaye , Fir jab baalig ho jaye to uska Nikaah kar de ,

__Agar Aulaad baalig hui aur uska Nikaah na kiya Jiski vajah se usne koi gunaah kar liya to Baap hi per uska gunaah hoga _,"

* Mishkaat ul Masabih -2/271 Ba Hawala Bayhiqi_*

┱ Hazrat Umar Raziyallahu aur Hazrat Anas Raziyallahu Anhum se rivayat hai k Huzoore Aqdas Sallallahu Alaihivasallam ne irshad farmaya k Toraat Sharif mai ye mazmoon likha hua hai k Jis Shakhs ki Beti Baarah (12) Saal ko pahunch gayi aur usne ( moqa munasib hote hue ) uska Nikaah na kiya , Fir usne koi gunaah kar liya to iska gunaah usi Shakhs per Yani uske Baap per hoga _,"

* Ravaah Bayhiqi fi Shobul imaan _,*

╨───────────────────── 
*┱✿ Bachcho Ke Achchhe Naam Rakhne Ka Hukm_,*

┱ Bachcho ka achchha naam rakhna bhi Maa'n Baap ki zimmedari hai aur Bachcho ka ye Haq hai k unka achchha naam rakha Jaye , Ek Hadees mai irshad hai k qayamat ke roz tum Apne Naamo aur Apne Baapo ke naamo se pukare jaoge Lihaza tum Apne naam achchhe rakho _" ( Abu Daowd Sharif)

┱ Bura Naam Huzoore Aqdas Sallallahu Alaihivasallam ko napasand tha ,Hazrat Ayesha Raziyallahu Anha farmati hai'n k Aap Sallallahu Alaihivasallam bure naam ko badal diya karte they _," ( Tirmizi )

┱ Maa'n Baap per laazim hai k Bachcho ke Naam ESE rakhe Jinse Allah ka Banda hona maloom hota ho ,islam Aur imaan ki sifaat zaahir hoti ho , Aap Sallallahu Alaihivasallam ne farmaya k Nabiyo'n ke naam per rakho aur Allah ke nazdeek Sabse zyada Mehboob naam Abdullah aur AbdurRahman aur Sabse bura Naam Harb aur Murrah  hai..," ( Mishkaat Sharif)

┱ Aksar Logo mai naye naye Naam rakhne ka rivaaj hai , Ab to Parveen aur Parvez ,Gazala ,Shaheen jese naamo ne bahut rivaaj paa liya ,

"_Halanki Parvez faaras ke us Badshah ka naam tha Jisne Hamare Nabi Sallallahu Alaihivasallam ka maktoob giraami chaak kar diya tha ,Jo Aap Sallallahu Alaihivasallam ne Tablig ke liye likha tha ,ESE Dushman ke naam per naam rakhna badi na-samjhi ki baat hai ,

┱ Shaheen Baaz ko kehte hai'n, Gazala Hiran ko kehte hai'n, Kya kya naam nikaale hai'n logo ne ? Achhche naam chhod kar jaanwaro ke naam Akhtyar kar liye ,

┱ Guzishta zamane mai Maa'n Baap islami naam rakhte they ,Abdullah ,AbdurRahman, Abdul Kareem vagera Jinse bandgi aur Khaaliq v Maalik se khaas talluq ka izhaar hota tha , Ladkiyo ke Ayesha ,Zenab ,Fatima ,Qulsum jese Naam hote they Jinse Aap Sallallahu Alaihivasallam Se Khaas muhabbat ka izhaar hota tha , Hazraate Ambiya Alaihissalam ke naamo per bhi naam rakhte they Jiska Nateeja ye tha k un Jaleelul qadr hastiyo'n ke naamo se aur Naamo ke zariye unke kaamo se zahan manoos rehta tha ,

┱ Baaz Aurte'n totka ,Tona karti hai'n aur Usi tarah Bachcho ke naam rakh deti hai'n , Bunda ,Ghaseeta ,Chhajju ,Ek fashion ye chala hai k Bachcho ke naam angrezi rakhe Jane lage , Baap ko Abba kehne ke bajaye Dady ,dead kaha Jane laga , Behooda bad deen Filmi staro ke naam per Bachcho ke naam rakhte hai'n ,

"_ A'amaal Saleha aur Buzurgo  ki yaadgaar ,Deen v islam se muhabbat ko baqi rakhne ki zarurat nahi samajhte ,Be haya aur be sharam logo ke naamo ko zinda rakhne ki koshish karte hai'n ,inna lillaahi wa inna ilaihi raajioun _,"

╨───────────────────── 
*┱✿ Muhabbat Ke Liye Nikaah se badh Kar KoiCheez nahi _,*

┱ Hazrat Abdullah bin Abbaas Raziyallahu Anhu se rivayat hai k Rasulullah Sallallahu Alaihivasallam ne irshad farmaya k Muhabbat karne walo ke liye Nikaah se badh kar tumne koi cheez nahi dekhi _,"

* Mishkaat-268 Ba-Hawala ibne maaja ,*

*┱ Tashreeh _,* _ Huzoore Aqdas Sallallahu Alaihivasallam ne farmaya k muhabbat ka jod lagane wali cheezo mai Nikaah ka jod Sabse zyada mazboot hai aur muhabbat ke badhane aur baqi rakhne mai Nikaah se badh kar koi cheez nahi , Kisi Khandaan ka Mard aur Kisi Khandan ki Aurat , Ek Arabi Doosra Ajmi , Jab Shara'i Nikaah ho jata hai to ek doosre per nisaar hota hai aur ulfat aur muhabbat WO rang lati hai k Umar bhar saath nahi chhot ta ,

┱ Nikaah ke alawa bhi Baaz mard v Aurat nafsaniyat ke liye Naamo nihad muhabbat kar lete hai'n magar ye muhabbat nahi hoti balki nafsani khwahish ka ek jod hota hai Jiska Naam muhabbat rakh diya jata hai ,Jab matlab nikal jata hai ya maqsad mai nakaami ho jati hai to fir ye kaha'n aur WO kaha'n ,Kesi muhabbat aur kesi ulfat ,  

┱ Nikaah ke zariye Jo talluq paida hota hai Waqti nahi hota balki zindgi bhar nibhane ki niyat se ijaabo qubool hota hai ,Nikaah se Mard Aurat ki haisiyat badh jati hai , Mard Aurat dono zindgi bhar ke liye ek doosre ke hamdard aur Dukh Sukh v Araam takleef ke Shareek ho jate hai'n , Fir mazeed Shohar Bivi ke khandano ka jod , Samdhi Samdhi mai muhabbat , Damaad Saale , Saad Damaad ka talluq , Ye Muhabbate aur Khidmate ek Shara'i Nikaah hi ki vajah se ho sakte hai'n ,

╨───────────────────── 
*┱✿ WO Nikaah Sabse Zyada Ba-Barkat haiJisme Kharch Kam se Kam ho _,*

┱ Hazrat Ayesha Raziyallahu Anha se rivayat hai k Rasulullah Sallallahu Alaihivasallam ne irshad farmaya k bila shubha barkat ke aitbaar se Sabse bada Nikaah WO hai Jisme Kam se Kam akhrajaat hue ho _,"

* Mishkaat ul Musabeh - 268 ,Ba-Hawala ShobulImaan v Bayhiqi,*

*┱ Tashreeh_* _ is Hadees se maloom hua k Nikaah aur Shaadi mai kam se kam kharch karna chahiye ,Nikaah mai jis qadar kharch kam honge WO Nikaah usi qadar barkato wala hoga , aur Ye Nikaah Duniya v Aakhirat ki Bhalaai ka zariya hoga ,

┱ Hamare Pyare Nabi Sarkare Do Aalam Sallallahu Alaihivasallam ne Apni Shadiya'n bhi ki aur Apni Betiyo'n ki bhi ki ,Ye Shadiya'n nihayat Saadgi ke saath anjaam pa gayi ,Huzoor Sallallahu ki Sabse zyada chaheti Bivi Hazrat Ayesha Raziyallahu Anha thi Jo Siddiqe Akbar Abu Bakar Raziyallahu Anhu ki Beti thi unse Nikaah to Makka Mukarrama hi mai ho gaya tha ,Fir hijrat ke baad Madina munawwara mai rukhsati hui ,

┱ Hazrat Ayesha Raziyallahu Anha Pados ke ek ghar mai jhoola jhool rahi thi , Unki Walida ne Awaaz de kar bulaya aur Kuchh Aurto'n se unhone Hazrat Ayesha Raziyallahu Anha ka singaar karwa diya aur ek Kamre mai chhod kar chali gayi , Na Dulhan Paalki mai bethi na Dulha ghode per chadha ,na aur kisi tarah ke akhrajaat hue ,Huzoore Akram Sallallahu Alaihivasallam ki Chaar Sahebzadiya'n thi , Hazrat Zenab ,Hazrat Umme Kulsoom ,Hazrat Ruqaiya ,Hazrat Fatima Raziyallahu Anhuma ,Aapne in chaaro ki Shadiya'n ki aur nihayat Saadgi ke saath sabke Nikaah aur Rukhsatiya'n ho gayi ,

╨───────────────────── 
*┱✿ Khatoone Jannat Hazrat Fatima RaziyallahuAnha ki Rukhsati _,*

┱ Hazrat Fatima Raziyallahu Anha Huzoore Aqdas Sallallahu Alaihivasallam ki Sabse zyada laadli Beti thi , Unka martaba bahut bada hai ,Sarkare Do Jaha'n Sallallahu Alaihivasallam ne Aapko Jannat ki Aurto'n ki sardaar bataya , Sabko maloom hai k unka Nikaah Hazrat Ali Raziyallahu Anhu ke saath hua ,

┱ Jis waqt Shadi hui Hazrat Ali Raziyallahu Anhu ke paas koi makaan bhi na tha , Ek Sahabi Raziyallahu Anhu se makaan le kar rukhsati di gayi aur rukhsati kis shaan se hui , Hazrat Umme Ayman Raziyallahu Anha ke saath Hazrat Ali Raziyallahu Anhu ke paas bhej di gayi , Dulha khud lene nahi aaya tha aur Dulhan kisi sawari mai bhi nahi bethi ,

┱ Ab Jahez ki baat bhi sun lo , Sarkare Do Aalam Sallallahu Alaihivasallam ne Khatoone Jannat Fatima Raziyallahu Anha ke jahez mai ek Chaadar aur ek Takiya aur Do chakkiya'n aur Do Mashkize diye , Takiye ka gilaaf chamde ka tha Jisme Khajoor ki chhaal bhari hui thi , aur Baaz rivayaat mai ek Palang ,ek Piyala ,Chaandi ke do baazu band dene ka bhi Zikr milta hai _,

╨───────────────────── 
*┱✿ Huzoor Sallallahu Alaihivasallam Ki Biviyo'naur Betiyo'n Ka Mahar_*

┱ _ Hazrat Umar Raziyallahu Anhu ne farmaya k mai'n nahi jaanta k Huzoor Sallallahu Alaihivasallam ne 12-1/2 Auqiya se zyafa Apni Kisi Bivi ya Apni Kisi Beti ka mahar muqarrar kiya ho _"

* Mishkaat -*

┱_ Ek Auqiya 40 Dirham ka hota Hai , 12-1/2 Auqiya ke 500 Dirham hote hai'n ,  500 Dirham ki chaandi 131 (Andazan 1572 graam) tola se Kuchh zyada hoti hai , Chaandi ki ye miqdaar ki qeemat Mojooda aitbaar se Sunaaro se maloom kar liya kare Kyunki Chaandi ki qeemat kam zyada hoti rehti Hai ,  ( Jo Aaj ki Chaandi ki qeemat Taqriban 41,000 Rs Kg ke hissab se Taqriban 65000 Rs.hoti Hai , Ye bhi Mengaa'i ke is daur mai itni qeemat ho gayi )

┱ _ Aaj Kal Laakho Rupiya Mahar muqarrar kiya jata hai, Majlise Nikaah mai to naam ho hi jata hai magar Zindagi bhar ada nahi kar pate aur Bivi ke qarzdaar ho kar marte hai'n ,

┱_ Huzoor e Aqdas Sallallahu Alaihivasallam ne Apni Shadiya'n ki aur Apni Betiyo'n ki Shadiya'n bhi Saada tareeqe per ki ,Dobo jaha'n ke sardaar they ,Agar chahte to dhoom dhaam se karte lekin Aapne Apne Amal mai saadgi akhtyar kar ke dikhayi aur mustaqil tareeqe per ye farma Diya k Nikaah mai Jis qadar Kharch kam honge usi qadar badi barkato Wala hoga ,

"__ Humne Shadiyo'n ko muaibat bana rakha Hai ,Gair muslimo ki dekha dekhi, Buri Buri rasme jaari kar rakhi hai'n aur ye rasme guroor aur Shohrat ke liye akhtyar ki jati Hai , Soodi qarz le kar Shadiyo'n ke liye Jahez diye jate hai'n , hazaaro Rupiya Dawat Naama ka Card per Kharch hote hai'n, Walimo mai Khoob riyakaari hoti Hai , Naam Sunnat ka aur Kaam dikhawe ka , inhi akhrajaat ki Vajah se baaz martaba Jawan ladkiya'n barso bethi rehti Hai ,

┱_ Hum log agar Ab bhi Huzoor e Aqdas Sallallahu Alaihivasallam ke tareeqe per chalne ka iraada kar le to Kisi tarah ki koi Rasm akhtyar na karni pade ,Saadgi ke saath ijaabo qubool ke zariye jod dena kaafi Hai , itne se kaam mai koi musibat aur bakheda nahi ,Jo pabandiya'n khud Apne sar lagayi hai unki Vajah se musibato mai giraftaar ho gaye , Mangni ki Rasm se Shadi ke din aur uske baad bhi khilana pilane ,aane Jane ki rasmo Tak laakho Rupiya Kharch karte hai'n aur Na jaane kitne na-jaa'iz kaam kiye jate hai'n , Astagfirullah,
            

╨───────────────────── 
*┱✿ Gaana Bajana Haraam Hai_*

┱ _ Aurto'n ne Shadi Byaah ki Jo khud Sakhta rasmo ko shara'i fara'iz ka darja de rakha hai , Namaz nahi padhti Jo Sabse zyada farz cheez hai, Lekin Shaadi Byaah ki rasmo ko farz waajib se badh kar anjaam deti hai'n aur Jo na kare unko bure lafzo mai yaad karti hai'n ,

┱_ Shadiyo'n mai Gharo mai Aurto'n ka Gaana Bajana aur Hazaaro Rupiya gaane bajaane ,Band Baajo aur Behuda Naachne wali Randiyo ko nachwane Mai Kharch kiya jata hai, Aur Gaana Bajana na ho to use Feeka aur be maza samjha jata hai , Halanki Huzoor Sallallahu Alaihivasallam ne irshad farmaya Hai k - mujhe mere rab ne ye hukm Diya Hai k mai'n gaane bajaane ke samaan mita du aur buto aur saleeb ko aur Jahiliyat ki cheezo ko khatm kar du ,( Mishkaat ul masabih )

┱_ Huzoor e Aqdas Sallallahu Alaihivasallam ne Jin cheezo me mitane ko Apni ba'asat ke maqsad mai shamil farmaya,afsos Hai k islam ke muddai in cheezo se Apni Shadiyo'n ko saja kar fakhr mehsoos karte hai'n ,Ek Musibat aur bala ye Hai k Masjido mai  Namaze hoti rehti hai'n aur tez awaaz mai gaane bajte rehte hai'n aur Saare mohalle walo ke liye bhi shor sharaba ek musibat ban jata hai , Ek mareez bhi aafiyat se araam nahi kar sakta ,

┱_ Ek Zamana Tha jab Musalman gairo se bhid jate they aur Masjido ke saamne baaja bajaane per jaan lene dene ko tiyaar ho jate they, Aaj Musalman Khud hi Masjid ke saamne baaja bajaata hai, aur Ayn Namaz ke waqt bhi gaane bajaane ko ayb nahi samajhta ,
 

╨───────────────────── 
*┱✿ Baalig Ladki Ki ijazat Ke bager Nikaah nahi ho Sakta_*

┱ _ Hazrat Abu Huraira Raziyallahu Anhu se rivayat hai k Rasulullah Sallallahu Alaihivasallam ne irshad farmaya k Jis Aurat ka ek baar Nikaah ho chuka ho ( aur fir Shohar ki maut ta talaaq mil Jane ki Vajah se iddat guzaar kar doosri jagah Nikaah karna ho ) to uska Nikaah us waqt Tak na kiya Jaye jab Tak usse wazahat ke saath zubaan se ijazat na le li Jaye ,

_ aur Jis ( Baalig ) Ladki ka Pehle Nikaah nahi hua Hai uska Nikaah us waqt Tak na kiya Jaye jab Tak k usse ijazat na le li Jaye,

_ Sahaba Kiraam Raziyallahu anhum ne arz kiya- Ya Rasulullah uski ijazat kese hogi ,? ( Wo to Sharm ki Vajah se bol bhi nahi sakegi )

Aap Sallallahu Alaihivasallam ne irshad farmaya- uski jaanib  se yahi ijazat samjhi jayegi k jab usse ijazat li Jaye to khamosh reh Jaye ,"

* Mishkatul Masabih - 270 Ba hawala Bukhari v Muslim_*

┱_ Shari'at ne kese aitdaal se kaam liya hai ,Ek taraf to Baalig Ladki ko Apni zaat ka akhtyar de diya k jab Tak wo ijazat na de uska Nikaah nahi ho sakta , Doosri taraf uski Sharm ka lihaaz rakha aur wali ke ijazat lene per uski khamoshi Yani inkaar na karne ko ijazat shumaar kar liya , Agar wo inkaar kar de to wali uska Nikaah nahi kar sakta aur Jis Baalig Ladki ka Pehle Nikaah ho chuka Hai uske doosre Nikaah ke liye uski zubaani ijazat laazim qaraar di gayi Hai , Jiski Vajah ye Hai k uska Pehle Nikaah ho chuka Hai isliye uski Sharm toot chuki Hai ,aur uski khamoshi motbar nahi Hai ,Jab saaf lafzo mai ijazat de tab motbar hogi ,

╨───────────────────── 
*┱✿ Na-Baalig Ka Nikaah _,*

┱ _ Baaz khandano aur ilaaqo mai ye mustaqil tareeqa bana rakha Hai k Na-Baaligi mai hi ladke Ladki ka Nikaah kar dena zaroori samajhte hai'n , Halanki Na-Baalig Ka Nikaah kar dena ek jaa'iz amr Hai koi Farz ya Waajib nahi Hai ,

┱_ Bahut martaba esa hota Hai k Na-Baaligi mai Nikaah kar dene ke baad Ladka aur Ladki Baalig ho kar munkir ho jate hai'n aur Shaadi ko pasand nahi karte , unka inkaar aur Walden ka usi jagah rukhsati ka israar musibat ban jata hai ,

┱_ Aaj Kal ki Aulaad Khud Pasandi ki Vajah se  Walden chahe to baat pakki kar ke rakhe aur Aakhir faisla aur Nikaah Ladka aur Ladki ke Baalig hone per unki ijazat le kar kare , taki Koi pareshani ka saamna na karna pade ,

┱_ Baaz martaba bada ho kar Ladka shareer badmash ban jata hai , rukhsati kare to Ladki ki jaan musibat Mai fanse aur ladke se talaaq ko kahe to talaaq nahi deta , ye paeeshaniya pesh aati rehti hai'n , inse bachne ka yahi ilaaj Hai k Baalig hone per Nikaah kare , Albatta esa qanoon bhi Shari'at ke khilaf Hai k Na-Baalig ka Nikaah ho hi nahi sake , 
             

╨───────────────────── 
*┱✿ Taqwa Ke baad Sabse Zyada Behtar CheezNek Aurat hai_*

┱ _ Hazrat Abu Umama Raziyallahu Anhu se rivayat hai k Rasulullah Sallallahu Alaihivasallam ne irshad farmaya k - Momin Bande ne taqwe ke baad esi bhalaai haasil nahi ki Jo uske Haq mai Nek Bivi se badh kar ho ,

"_"( Fir Nek Bivi ki tareef karte hue farmaya k ) Agar Shohar use Hukm kare ( Jo khilafe Shari'at na ho ) to uska kaha maane aur Shohar uski taraf dekhe to Shohar ko khush Kare aur agar Shohar Kisi kaam ke bare mai qasam khaa bethe k zaroor tum esa karogi ( aur wo kaam shar'an jaa'iz ho ) to uski qasam sachchi kar de aur agar kahi Chala Jaye aur ye uske pichhe Ghar mai reh Jaye to Apni jaan aur uske maal ke bare mai uski khair khwahi Kare _"

* Ibne Maaja _*

┱_ Is Hadees mai irshad Hai k Taqwe ki ni'amat badi ni'amat Hai agar Kisi ko ye ni'amat mayassar ho Jaye to wo Bahut mubarak Hai Kyunki asal Deendari Taqwa hi ka naam Hai , Taqwa Fara'iz v Waajibaat ke ada karte hue Haraam v mamnu'a kaamo se bachne ka naam Hai ,Is sifat ki Vajah se Banda Khuda ka mehboob ban jata hai ,

┱_ Aur Bahut si beshumar ni'amate hai'n jinka darja Taqwe se kam Hai magar Sarware Do Aalam Sallallahu Alaihivasallam ne farmaya k Taqwe ke baad Sabse badi ni'amat Nek Bivi Hai , Fir Nek Bivi ki sifaate Bayan farmayi ,Shohar ki farmabardaar ho , Uski Khushi ko Apni Khushi samjhe ,Uski jaa'iz qasam ko poora Kare aur Shohar kahi Chala Jaye to Apni izzat aabru aur uske maal ki Ghar ki hifazat Kare ,

╨───────────────────── 
*┱✿ Na- Jaa'iz Umoor Mai Shohar ki ita'at Jaa'iznahi _*

┱ _ Agar Koi ye sawal Kare k Baaz Mard Apni Bivi ko gair Mardo ke saamne le jate hai'n, balki unse musafe bhi karate hai'n ,Yaha Tak k gairo ke saath Apni Betiyo'n ko nachwate hai'n to unki Bivi agar Shohar ke pichhe ya aage gair Mard se koi talluq rakhe Jo Shohar ki Marzi ke mutabiq ho to ye Jaa'iz hona chahiye aur isme Shohar ki khayanat bhi nahi Kyunki wo khud chahta Hai k gairo se mile jule ,

┱_ Balki Bahut se Shohar Jo Apni Bivi ko modern dekhna chahte hai'n wo to is per khush hote hai'n k uske friends Bahut ho aur isko taraqqi ki alamat samajhte hai'n ,

┱_ Is Sawal ka jawab ye Hai k Hadees mai Musalman Mard v Aurat ka haal Bayan farmaya Hai , Koi Musalman Kabhi bhi be-gairat nahi ho sakta aur hargiz ye bardasht nahi kar sakta k uski Bivi per Kisi gair mard ki Nazar bhi pade ya haath lage aur na hi Musalman Aurat hi ye pasand kar sakti Hai k Shohar ke alawa Kisi ke saath nafs v Nazar Wala talluq rakhe ,

┱_ Jo log Apni Bivi ko Mahol maashre ke mutabiq Modern dekhna chahte hai'n aur use Dosto ka khilona banana pasand karte hai'n,Sarasar Yahood v Nasaara ke tarz per Zindagi guzaar rahe hai'n , Unme kitna imaan Hai, Unka Huzoor Sallallahu Alaihivasallam se kitna talluq Hai ,Unhe Qur'an v Hadees se kitna shagaf Hai ? Iska pata chalayenge to ese log in sifaato se khaali niklenge , Ese Log Sahi Musalman to Kya hote theek tarah se insaan bhi nahi hai'n ,

"__ Hadees mai ese bad kirdaar be gairat ,bad nafs logo ka zikr nahi Hai balki Musalman ba izzat aur ba gairat Mard aur Aurat ka zikr ho Raha Hai ,Jo log Apni Bivi ke Haq mai be gairati bardasht karte hai'n aur unki asmat v uffat daagdaar dekhne mai khushi mehsoos karte hai'n unke bare mai irshade Nabvi Hai --

__ Teen Shakhso per Allah Ta'ala ne jannat Haraam farma di Hai 
(1)- Jo Sharaab pita rehta ho ,(2) -Jo Maa'n Baap ko takleef deta hai, (3) - Jo Apne Ghar walo mai napaak kaam ( Zina aur uski taraf bulane wali cheeze maslan be pardgi ,gair mardo se Mel jol vagera ) ko bar qaraar rakhta Hai ,

* Ravaah Ahmad v Nasaa'i _*

┱_   Pehle waazeh kiya ja chuka Hai k Shohar ki farmabardaari muwafiq Shara'i kaamo Mai Hai , Khilafe Shari'at kaamo mai Kisi ki ita'at aur farmabardaari ki ijazat nahi Hai , Agar Shohar Be parda hone ke liye kahe tab  bhi be parda hona Jaa'iz nahi Hai , 
         

╨───────────────────── 

*┱✿ Ladkiyo'n Ke Liye Deendar Khush Khalq Shohar Ko Tarjeeh Do_Maaldaari Ko Nahi,*

┱ Hazrat Abu Huraira Raziyallahu Anhu se Rivayat Hai k Rasulullah Sallallahu Alaihivasallam ne farmaya :- 

"_ K Jab koi esa Shakhs tumhare paas Nikaah ka paigaam bheje jiski Deendari Aur Akhlaq tumhe pasand ho to ( Jis ladki Ke tum wali ho ) us Shakhs se ( us Ladki ka ) Nikaah Kar do agar Tumne esa na kiya to Zameen per bada Fitna Aur ( Lamba ) Choda fasaad Hoga _,"

*📁 Mishkaat Sharif -267 Ba Hawala Tirmizi,*

┱ Nikaah Ke bare mai Qur'an e Hakeem Aur Ahadees e Sharifa mai Bahut se ahkaam v masa'il waarid hue Hai'n , is Hadees mai Joda kesa talash kiya Jaye iske mutalliq ek nasihat fatmayi gayi Hai ,Aur is nasihat ke Khilaf Karne per bade fitne fasaad ki khabar di Hai , k Deen Aur Akhlaq ko dekh Lena hi kaafi Hai ,

┱ Maal Daulat Aur Duniya ki badaai na dekho , Agar Ladke mai Deendari nahi to wo Ladki ko bhi Deen per chalne na dega, Be Namazi na Namaz padhega na Padhne dega , Haraam kamayega Aur Haraam khilayega ,Dono Miya Bivi Aakhirat Ke azaab mai mubtila honge , Agar Tumne Deendar ko ladki na de Kar Kothi ,bangle wale ko dekha ,Maal Daulat ko Tarjeeh di to Duniya Shayad Aisho Araam mai guzar Jaye magar Aakhirat barbaad Hogi , Kya koi Shakhs ye gawara Kar sakta Hai k Uski Ladki Aag mai Jale ? Fir Asnkho dekhe Apni Bachchi ko Aag mai Kyu daalte Hai'n ,

┱ Jab ye jaante Hai'n k Fala Ghar mai jaa Kar Bachchi Fara'iz chhod degi , Namaz roza chhod degi,Haraam Halaal ki fikr nahi rahegi ,Jiska Natija Azaabe Aakhirat Hai to Deendar ko chhod Kar Bechari Be zubaan ko faasiq v faajir bad Amal Aur be Deen me hawale Kyu Karte ho ?  

┱ Baaz Log kehte hai k Aaj Kal Ladkiya'n Apna Joda Khud tajveez Kar leti Hai'n Aur Deendar ko pasand nahi karti , Mai'n ese Logo se puchhta hu k Ladki ko itni jurrat kese Hui k wo Apna Joda Khud talash Kare Aur Deendar se ghabraye ,Faasiq v faajir ko pasand Kare ,? Baat ye Hai k Aapne apne Ghar ka Mahol Khud hi kharaab kiya Hai , Bachcho ko Deen nahi sikhaya , School College ki Padhayi ko Deen per Tarjeeh di , School College mai Ladka Ladki ka Saath padhna , Novel ,Afsane padhna ,TV ,Filme Dekhna , Bager Mahram Ke Bahar ghoomna firna , Ye sab ese Umoor Hai'n Jo Ladkiyo'n ko be Sharm bana rahe Hai'n Aur Deen se door Kar rahe Hai'n Aur Deendaro se parhez Kar rahe Hai'n , Allah sahi Samjh ataa Kare ,

╨───────────────────── 

*┱✿ Deendar Aurat Se Nikaah Karo - Maal v Husno Jamaal Na Dekho _*

┱  Hazrat Abu Huraira Raziyallahu Anhu se Rivayat Hai k Rasulullah Sallallahu Alaihivasallam ne irshad farmaya k Aurat se Chaar Cheeze dekh Kar Nikaah kiya Jata hai-

1- Uske Maal ki vajah se,

2- Uski Haisiyat Ki vajah se ,

3- Uski Khoobsurti ki vajah se,

4- Uski Deendari ki vajah se, 

Pas Ey mukhatib ! tu Deendar Aurat ko Apne Nikaah mai laa Kar Kaamyaab ho ja tera bhala ho _,"

*📁 Mishkaat Sharif -267 Ba Hawala Bukhari v Muslim_*

┱ Hazrat Abdullah bin Umar Raziyallahu Anhu se Rivayat Hai k Rasulullah Sallallahu Alaihivasallam ne irshad farmaya k Poori Duniya nafa haasil Karne ki cheez Hai Aur Duniya ki cheezo mai Sabse behtar Cheez Jisse Nafa haasil kiya Jaye Nek Aurat Hai _,"

*📁 Mishkaat Sharif-261 Ba Hawala Muslim_*

┱ Jis Tarah Shohar Deendar Khush Akhlaq talash Karne ki Zarurat Hai usi Tarah ye Bhi zaroori Hai k Aurat Deendar talash ki jaye ,Uska Maal v Jamaal ,Martaba v Haisiyat na dekho Agar Aurat Deendar na Hogi to wo na Shohar Ke huqooq ada karegi na Aulaad love Deendar banayegi , 

┱ Bahut se log Khoobsurt Aurat per lattu ho Jate Hai'n,Uski Safed khaal to dekh lete Hai ,Lekin Kaala Dil Nazar nahi aata, Hai to Khoobsurt Lekin Roza na Namaz , Be Deen ,Be Parda , Bad Akhlaq , Shohar ki Daadhi use Pasand nahi , Uska Libaas Pasand nahi be,Fizool kharchi jiski  Aadat Jo ho ,wo Raat Din Shohar Ke Liye ek Azaab ban Jati Hai, 

╨───────────────────── 

*┱✿ Doosri Mangni Per Mangni Na Kare_,*

┱ Hazrat Abu Huraira Raziyallahu Anhu se Rivayat Hai k Rasulullah Sallallahu Alaihivasallam ne irshad farmaya k koi Shakhs Apne Bhai Ki Mangni per Mangni Na Kare ,Apne se pehle paigaam bhejne wala ya to us jagah Nikaah Kar le ya us Jagah Nikaah ki Baat cheet chhod de  ( Agar Uski Baat Kat Jaye to Apna paigaam de sakte Hai'n )_,"

*📁 Mishkaatul Masabeh -271 Ba Hawala Bukhari v Muslim,*

┱ Islam ne ek doosre ko Jismani ya Roohani Takleef Dene ko Haraam qaraar Diya Hai Aur Musalmano Ke Jo Aapas Ke huqooq bataye Hai'n unme ye bhi irshad farmaya Hai , " _Musalman Musalman ki hamdardi Aur khir khwahi Kare Saamne bhi Aur Peeth Pichhe bhi _," 

┱ Iska taqaza ye Hai k jab Kisi jahah Kisi musalman Mard ya Aurat Ke Nikaah ka kahi paigaam Gaya ho to doosra musalman Uske haq mai us Jagah ko bigaad na de ,Agar kisi Aurat se Nikaah karne Ke Liye Mard ka paigaam pahuncha hua Hai Aur Baat chal rahi Hai to koi doosra Shakhs Mard ya Aurat esi tarkeeb na Kare k unka hota hua rishta Kat Jaye , 

╨───────────────────── 

*┱✿ Kon Konse Rishte Haraam Hai'n ?*

┱ Hazrat Ali Raziyallahu Anhu se Rivayat Hai k unhone Huzoore Aqdas Sallallahu Alaihivasallam se arz kiya k Ya Rasulallah ! Kya Aapko Apne chacha Hamza Raziyallahu Anhu ki Ladki se Nikaah karne ki ragbat Hai ? ( Ragbat ho to baat chalayi Jaye ) Kyunki quresh ki Aurto'n mai wo Sabse zyada Haseen Ladki Hai ,

Aap Sallallahu Alaihivasallam ne farmaya -( Usse Mera Nikaah kese ho sakta Hai? Wo to mere Doodh Shareek Bhai ki Ladki Hai ) Kya tumhe maloom nahi Hai k Hamza mere Doodh Shareek Bhai Hai'n ,

Aur Allah Ta'ala ne nasab ki vajah se Jo Rishte Haraam qaraar diye Hai'n wo nasab ki vajah se bhi Haraam qaraar diye Hai'n ( Hamza Raziyallahu Anhu chahe chacha Hai'n Aur Chacha ki Ladki se durust Hai Lekin Chacha Ke Hote hue chunki wo Doodh Shareek Bhai bhi Hai'n,isliye unki Ladki se Nikaah nahi ho sakta )

*📁 Mishkaatul Masabeh- 273 Ba Hawala Muslim_,*

┱ Hazrat Abu Huraira Raziyallahu Anhu se Rivayat Hai k Rasulullah Sallallahu Alaihivasallam ne irshad farmaya k Kisi Aurat ka Nikaah ese Mard se na kiya Jaye Jiske Nikaah mai Pehle se us Aurat ki Fufi ho Aur isse bhi mana farmaya k Kisi Aurat ka Nikaah ese Mard se kiya Jaye Jiske Nikaah mai Pehle se us Aurat Bhai ki Ladki ho ,

( isi Tarah ) isse bhi mana farmaya k Kisi Aurat ka Nikaah ese Mard se kiya Jaye Jiske Nikaah mai Pehle se us Aurat ki khaala ho aur isse bhi mana farmaya k ese Mard se kisi Aurat ka Nikaah kiya Jaye Jiske Nikaah mai Pehle se us Aurat ki Behan ki Ladki ho ,

Kisi Mard Ke Nikaah mai badi ( Fufi ,Khaala ) Ke Hote hue Chhoti ( yani Bhatiji Aur Bhanji ) ka Nikaah us Mard se na kiya Jaye Kisi Mard Ke Nikaah mai Chhoti ( Bhatiji ya Bhanji ) Ke Hote hue Badi ( Yani Fufi Aur Khaala ) ka Nikaah us Mard se na kiya Jaye ,"

*📁 Mishkaatul Masabeh -275 Ba Hawala Tirmizi v Abu Daowd,*

╨───────────────────── 

*┱✿ Haraam Rishto Ki Tafseel- 1_*

┱ Konsi Aurat Kiske Liye Haraam Hai iski tafseel qawaneen ki buniyaad per 6 cheezo per Hai :- 

1- Nasbi Qarabat ,

2- Doodh ka Rishta ,

3- Sasurali Rishta ,

4- Kisi Aurat ka doosre Mard Ke Nikaah ya Uski iddat mai mashgool hona , 

5- Kisi Mard Ke Nikaah mai Pehle se kisi Aurat ka hona , 

6- Qaa'ida muqarrarah se zyada Nikaah karna ,

*┱ 1- Nasbi Qarabat Ke Rishte_*

"__ Apni Aulaad Aur Aulaad ki Aulaad se ,Aur Maa'n ,Baap ,Dada ,Daadi ya Nana ,Nani se Nikaah karna durust nahi , 

"__Aur Behan Bhai ka bhi aapas mai Nikaah nahi ho sakta chahe Haqeeqi Balehan Bhai ho ya Baap Shareek ho ya Maa'n Shareek,

┱ Chacha ,Bhatiji ka Aur Mamu,Bhanji ka bhi aapas mai Nikaah nahi ho sakta, Aur Fufi Bhatija Aur Khaala Bhanje ka bhi aapas mai Nikaah durust nahi ,

╨───────────────────── 

*┱✿ 2- Doodh Ke Rishte __,*

┱ Iski vajah se bhi Aapas mai Nikaah Haraam ho Jata hai , Khaala zaad Bhai se Aur Fufi Ke Ladke se Nikaah durust Hai Lekin agar Kisi Ladke ya Ladki ne Doodh pine Ke zamane mai ( Yani 2 saal ki Umr Ke andar ) Kisi ek Aurat ka Doodh pi liya to ye Dono aapas mai Doodh Shareek Bhai Behan ho Gaye ,Ab Aapas mai inka  Nikaah nahi ho sakta , Jis Ladke ne Kisi Aurat ka Doodh piya Hai wo us Aurat ki Kisi bhi Ladki se Nikaah nahi Kar sakta chahe ek Saath Doodh na piya ho , Doodh pine Wala us Aurat ki Behan se Nikaah nahi Kar sakta Jiska Doodh piya ho Kyunki wo Uski Khaala ho gayi ,

┱ Khulasa ye Hai k Jo Nikaah Nasbi Qarabat ki vajah se Haraam Hai Doodh Ke Rishte se bhi Haraam ho Jate Hai'n, Jis Tarah Nasbi Qarabat Ke Rishte se Nasbi Maa'n Beta , Aur Bhai Behan Aur Khaala Bhanje Aur Mamu Bhanji Aur Chacha Bhatiji Aur Fufi Bhatija aapas mai Mahram qaraar diye Gaye Hai'n,isi Tarah Doodh Ke Rishte ki vajah se se Doodh pilane wali Aurat Aur Uski Aulaad ,Uski Behan Aur Uska Bhai Aur uske Maa'n Baap Doodh pine Wale Bachche Ke Liye ,Ladka ho ya Ladki , Mahram ban Jate Hai'n , Aurat ka Damaad Aur Aurat Ke Shohar ka baap bhi Mahram ho Jata hai , Kyunki inse Nikaah durust nahi Hai , Mahram ban Jane ki vajah se ek doosre Ke Saath Safar mai Jana Aur bila Parda Aamne Saamne aa Jana jaa'iz ho Jata hai ,

┱ Haa'n agar Koi Mahram faasiq v faajir ( Bad chalan ,bad qirdaar ) Hai , Uski taraf se itminan nahi Hai balki Shararate nafs ka andesha Hai ( Jess k Ask Kal waqiaat Sunne mai aate Hai'n ) to ese Mahram se ahatyaat laazim Hai ,uske Saath Safar karna ya tanhaai mai rehna jaa'iz nahi , 

*┱Aur Yaad rakhiye 48 meel Ka Safar karna Bager kisi Mahram Ke durust nahi Hai,chahe Safar Deeni ho ( Maslan Chahe Hajj ka Safar hi Kyu na ho ) ya Duniyavi Zarurat se ho ( Akele Maayka Jana ya Sasural Jana ) , Safar chahe Paidal ho ya Hawai Jahaaz se ho ya Rail ,Bus ,Car ya Kisi bhi zariye ho ,Bager Mahram 48 meel ya isse zyada Ka Safar jaa'iz nahi Hai ,*

"__ Jis Mahram Ke Saath Safar mai Jaye Uska Nek Saleh hona zaroori Hai Jisse itminan ho k koi Shararate nafs Amal nahi karega Aur Kharaab khayal se na chhuyega , 

┱Bahut si Aurte'n Bager Mahram Ke Hajj ya Umrah Ke Liye rawana ho Jati Hai'n Jo Gunahgaar hoti Hai'n , Na Mahram Ke Saath Safar e Hajj v Umrah bhi Jana gunaah Hai ,chahe kesa hi muttaqi parhezgaar Aadmi ho , Shari'at per Amal laazmi Hai , 

"__ Bahut si Aurte'n Khaala zaad ,Mamu zaad ,Fufi zaad ,chacha zaad Bhai Ke Saath Safar mai chali Jati Hai Aur unse Parda bhi nahi karti ,Hansi mazaaq bhi hota Rehta Hai Aur unke Saath tanhaai mai Waqt bhi guzaarti Hai'n , Ye Sakht gunaah Hai ,

              

╨───────────────────── 

*┱✿ 3-Hurmate Musahrat - Sasurali Rishte_*

┱ Kisi Mard Ka Kisi Aurat seeya Kisi Aurat ka kisi Mard se Nikaah ho Jane ki vajah se Jo hurmat ho Jati Hai use Hurmate Musahrat kehte Hai'n , Maslan Koi Mard Kisi Aurat se Nikaah Kar le to ab us Aurat ki Walida se Nikaah nahi Kar sakta ,isi Tarah Ye Aurat us Mard Ke Kisi bhi Ladke se Nikaah nahi Kar sakti, 

┱Kisi Aura ka uske Shohar Ke Baap se Nikaah nahi ho sakta, Pehle Shohar ki Ladkiya'n agar Koi Aurat Saath layi to Uska Naya Shohar un Ladkiyo'n mai se kisi se bhi Nikaah nahi Kar sakta Hai ,basharte k un Ladkiyo'n ki Walida Aur Naye Shohar Ke darmiyan Shohar Bivi Wala Kaam ho Chuka ho ,Aur agar unki Walida ko Sirf Nikaah Kar ke talaaq de di ( Aur Shohar Bivi Wala Kaam nahi kiya ) to unme se kisi bhi Ladki se Nikaah ho sakta Hai ,

┱ Agar Koi Mard Kisi Aurat se Zina Kar le to usse bhi Hurmate Musahrat Saabit ho Jati Hai, Jis Aurat se Zina Kare ab us Aurat ki Ladki Aur uski Walida se Nikaah nahi ho sakta ,

*

╨───────────────────── 

*┱✿ 4- iddat wali Aurat Ke Nikaah Ka Hukm _,*

┱ Kisi Aurat ka kisi Mard se Nikaah ya Uski iddat mai mashgool hona bhi Hurmate Nikaah ka baa'is ban Jata hai ,Ek Mard Ke Nikaah mai Do ,Teen ya Chaar Aurte'n to reh sakti Hai'n magar ek Aurat Do Mardo Ke Nikaah mai nahi reh sakti , Jab ek Aurat se kisi ne Nikaah Kar liya to us Aurat ka Nikaah doosre Mard se us Waqt Tak nahi ho sakta jab Tak k us Mard Ke Nikaah se bilkul na nikal Jaye , Lafze Bilkul isliye istemal kiya Hai Kyunki Shohar ke Marne Ke baad ya Talaaq Ke baad doosre Mard se Nikaah ki ijazat Aurat ko tab hoti Hai jab iddat guzar Jaye, 

*┱✿ 5- Kon Konsi Aurte'n ek Saath ek Mard Ke Nikaah mai Jama nahi ho Sakti _,*

┱Kisi Mard Ke Nikaah mai Pehle se kisi Aurat ka hona bhi Baaz doosri Aurto'n se Nikaah karne Ke Liye maa'ne ho Jata hai, Maslan Kisi Shakhs ne ek Aurat se Nikaah kiya to ab jab Tak ye Aurat uske Nikaah mai rahegi balki agar usne Talaaq de di to ab Jan Tak ye Aurat iddat Ke andar rahegi ,Us Aurat ki Behan se Uska Nikaah nahi ho sakta, Agar Nikaah kar liya to Shar,'an us Nikaah ka koi aitbaar nahi , 

┱ Jis Tarah Do behne aapas mai ek Mard Ke Nikaah mai Jama nahi ho Sakti Hai'n, usi Tarah Fufi - Bhatiji Aur Khaala -Bhanji bhi ek Mard Ke Nikaah mai nahi reh sakti Hai'n ,

┱ Agar koi Aurat Kisi Mard Ke Nikaah mai ho Jab Tak ye us Mard Ke Nikaah mai rahegi Uski Behan Aur uski Khaala se Aur Bhaanji se aur Fifi se Aur Bhatiji se us Mard ka Nikaah durust nahi Hoga , Agar Nikaah kar liya to Shar'an mo'atbar na Hoga , 

╨───────────────────── 

*┱✿ 6- Mard Ke Liye Muqarrarah Tadaad Se Zyada Nikaah Durust Nahi_,*

┱ Mard Ke Liye Shari'at ne Biviyo'n ki Tadaad muqarrar ki Hai , Bek Waqt Chaar Aurto'n se ek Mard ko  Nikaah karna durust Hai magar iski ijazat us Waqt Hai jabki Har Bivi Ke huqooq Shari'at Ke mutabiq baeabari Ke Saath ada Kare ,

┱ Bek Waqt Chaar Aurto'n se zyada koi Mard Nikaah nahi Kar sakta hattaki agar Chaar Mai se Chothi ko Talaaq de di to jab Tak Uski iddat na guzar Jaye uske badle Paanchvi Aurat se Nikaah karna jaa'iz nahi , 

┱ Gaylaan bin Abdullah Shaqfi Raziyallahu Anhu Ke Nikaah mai islam lane se Pehle 10 Biviya'n thi ,Jab unhone islam qubool kiya to Sab Biviya'n bhi Musalman ho gayi , Huzoore Aqdas Sallallahu Alaihivasallam Ke Saamne iska zikr hua to Aap Sallallahu Alaihivasallam ne farmaya k Chaar ko rakh lo baqi chhod do _,"

*📁 Mishkaat _,*

┱ Ye Sab Nikaah chunki zamana e Jahiliyat mai hue they isliye esa faisla saadir farmaya, Musalman Hote hue koi Shakhs agar Chaar Aurto'n Ke Hote hue Paanchvi se Nikaah Kar le to Paanchva Nikaah mun'aqd hi nahi Hoga _             *

╨───────────────────── 

*┱✿ Doodh Ka Rishta Sirf Do Saal ki Umar Ke andar Doodh pine se Saabit hota Hai_,*

┱ Hazrat Ayesha Raziyallahu Anha ne bayan farmaya k Ek Martaba Huzoore Aqdas Sallallahu Alaihivasallam Zanaan Khana mai tashreef laye , Us Waqt mere paas ek Aadmi Tha ,Maine esa Mehsoos kiya k Uska Ghar mai hona Aap Sallallahu Alaihivasallam ko nagawaar hua , Maine ( Dil ka Khiljaan door karne Ke Liye ) arz kiya k ye Shakhs Mera ( Doodh Shareek) Bhai Hai ( isliye andar bulaya Hai ),

Ye Sun Kar Aap Sallallahu Alaihivasallam ne farmaya k Achchhi Tarah khayal kar lo k tumhare Doodh Shareek Bhai Kon log Hai'n Kyunki Shara'i raza'at ( Doodh se aa Jane wali hurmat) us Waqt mossar hoti Hai jabki Bhook ki vajah se ho _,"

*📁 Mishkaatul Masabeh-273 Ba Hawala Bukhari v Muslim*

┱ Matlab ye Hai k Shar'an Doodh pilane ka zamana Muqarrarah Hai Yani Do Saal ki Umar Ke andar andar Bachcha Aur Bachchi ko Doodh pilaya ja sakta Hai, is Umar mai Jisne Doodh piya Uska Doodh pina Hurmate raza'at ka sabab Hai , iske baad Doodh pilana hi Haraam Hai Aur agar Kisi ne is Umar Ke baad Kisi Aurat ka Doodh pi liya Hai to isse Kisi ka na Mahram banega na us Aurat ki Maa'n Behan Aur Aulaad se Uska Nikaah Haraam Hoga , Chunki Doodh se hurmat Saabit hoti Hai isliye Aurto'n ko Bahut aahtyaat rakhne ki Zarurat Hai, Apni Aulaad Ke Siva bila Zarurat doosre Ke Bachcho ko Doodh na pilaye ,

┱ Bachcha ya Bachchi Ki Umar chaand Ke hisaab se Do Saal poore hone Ke andar andar Jo Kisi Aurat ka Doodh pila diya Jaye to Sab imaamo Ke nazdeek Hurmate raza'at Saabit ho jati Hai ,Yani iski vajah se to Sab Rishte Haraam ho Jate Hai'n Jo Doodh ki vajah se Haraam Hai'n , Albatta imaam Abu Hanifa Reh.farmate they k Dhaayi Saal Ke andar andar Doodh pilane se bhi Hurmate raza'at Saabit ho Jati Hai

┱ Ahatyaat ka taqaza ye Hai k Do Saal poore ho Jaye to Kisi Bachche ya Bachchi ko Doodh hargiz na pilaye lekin agar kisi ne pilane ki galti Kar di to Dhaayi Saal Ke andar Doodh pilaya ho usko Hurmate raza'at mai mossir mana Jaye , Albatta iske baad Jo Doodh piya ho Hurmate raza'at mai Uska koi aitbaar nahi Hoga Aur uski vajah se Rishte Haraam na honge ,

╨───────────────────── 

*┱✿ Kisi Mard se Nikaah Karne Ke Liye Uski Pehli Bivi ko Talaaq na dilaye_,*

┱  Hazrat Abu Huraira Raziyallahu Anhu se rivayat hai k Rasulullah Sallallahu Alaihivasallam ne farmaya k Koi Aurat Apni Behan ki Talaaq Ka sawal na kare taki uske uske piyale ko Khali Kar de aur Chahiye k Apna Nikaah ( Kisi doosre Musalman Mard se ) Kar le Kyunki Jo uski taqdeer mai Hai Wo zaroor usko milega _,"

*🗂 Mishkaatul Masabeh- 271 Ba hawala Bukhari v Muslim_,*

┱ Is Hadees mai bhi is Baat ki taraf tavajjoh dilayi gayi Hai k Koi kiss Ka bura na chahe , Jab Koi kisi ko Nikaah Ka paigaam de to use Apni marzi ke mutabiq haa'n ya na ka jawab de dena chahiye, Agar kisi Mard ke Nikaah mai pehle se koi Aurat ho to Apna Nikaah Karne Ke Liye Pehli Bivi ko Talaaq dene ki Shart na lagaye taki shohar se Jo kuchh usko milta Hai usse uska piyala Khali Kar de Yani use mehroom Kar ke khud usko Apne Liye makhsoos Kar le ,

┱ _ Baaz Ulma ne is Hadees Ka ye matlab bhi bataya Hai k Jab Do Aurte'n kisi Mard ke Nikaah mai ho to Koi Sotan Shohar se Apni Sotan ki Talaaq Ka sawal na kare , 

┱ Musalman ki imaani zimmedari mai se ye Baat bhi Hai k Jo kuchh Apne Liye pasand kare wo doosre Musalman ke Liye bhi pasand kare ,aur Jo Kuchh Apne Liye na pasand kare wo doosre Musalman ke Liye bhi na pasand kare, 

╨───────────────────── 

*┱✿ Kisi Aurat ko Uske Shohar Ke Khilaf Uksaana Gunaah Hai_,*

┱ Hazrat Abu Huraira Raziyallahu Anhu se Rivayat Hai k Rasulullah Sallallahu Alaihivasallam ne irshad farmaya k Wo Shakhs humme se nahi Hai ( Yani Musalmano mai se ) Jo Kisi Aurat ko Fareb de Kar Shohar ki mukhalif bana de ,ya Kisi gulaam ko dhoka de Kar use Aaqa ka mukhalif bana de _,"

*🗂 Mishkaatul Masabeh -282 Ba Hawala Abu Daowd ,*

Is Hadees mai is Baat ki Nasihat farmayi gayi Hai k koi Mard v Aurat Kisi Aurat ko behka Kar Uske Shohar ki mukhalfat per Amaada na Kare , Agar Koi esi harkat Karega to wo esa Sakht mujrim hoga k uske bare mai Rahmatul Aalameen Sallallahu Alaihivasallam ne farmaya k Wo Hamari Ummat se nahi Hai ,

┱ Bahut se Mard v Aurat isme maza lete Hai'n k Kisi ka Ghar bighad de , Shohar ko Bivi Ke Khilaf ya Bivi ko Shohar Ke Khilaf bhadkane ko kamaal samajhte hai'n , Khuda na Khwasta agar Miya Bivi mai Ranjish ho gayi Aur kisi ka Rishta toot Gaya ,ya Sulah karane ki bajaye mamooli si Ranjish ko qabile nafrat bana diya,ese Logo ki buri harkat se Miya Bivi qareeb aane Ke bajaye door Hote chale Jayenge ,esi harkat karne wale Ajnabi hi nahi Hote balki Rishtedar hi esa Kaam zyada Karte Hai'n,  Chhoti Chhoti baato se Dil khatta hota Jata hai ,Aur nobat Talaaq Tak pahunch Jati Hai , 
             
              

▦══─────────────══▦

ReF✿┅╮   

         *🗂 Tohfa E Khawateen,*

                  ╨───────────────────── 

                   

Tohfa e Khawateen zakaat or sadqaat




┱✿
       鹿 *TOHFA-E-KHAWATEEN* 鹿
▦══─────────────══▦

         *⊙ ZAKAAT-SADQAAT-*⊙

     ┗═════════════════✿

*┱✿ Aurto'n Ko Zakaat V Sadqa Ka Khusoosi Hukm,*

┱ Hazrat Abdullah bin Masowd Raziyallahu Anhu Ki Bivi Hazrat Zenab Raziyallahu Anha ka bayan hai k Nabi Kareem Sallallahu Alaihivasallam ne masturaat ko khitaab farmate hue nasihat farmayi k ,

"__ Ey Aurto'n ! Sadqa do agarche apne zever hi se ho Kyunki Qayamat ke Roz Aksar Ahle dozakh tumhi hongi _,"

ReF✿┅╮
*Mishkaat- 160 Ba hawala Tirmizi*

*┱✿ Tashreeh_*

┱Rasoole Kareem Sallallahu Alaihivasallam Kabhi Kabhi Khawateen ko bhi ijtimayi khitaab farmate they, ek moqe per ye baat irshad farmayi , Yani Aurto'n ko Sadqa karne ka hukm farmaya aur saath hi Sadqa ka fayda bhi bataya k Sadqa ko Dozakh se bachane mai bada dakhal hai ,

┱ Chunki Aurto'n se bhi bade bade gunaah sarzad hote rehte hai'n aur bade bade gunaah mai mubtila rehti hai'n ,isliye dozakh se bachne Ki tadbeer batayi k Sadqa diya karo ,agar alag se maal na ho to zever hi mai se do ,

┱ Qur'an v Hadees mai lafze Sadqa Farz Zakaat ke liye bhi istemal hua hai aur Nifli Sadqa ke liye bhi bola gaya hai , is Hadees se Sadqa e Farz Yani Zakaat aur Sadqa e Nifl Yani Khair Khairaat dono muraad ho sakte hai'n, 
┗═════════════════✿

*┱✿ Aurte'n Zakaat Kese De'n ?*

┱ Chaandi Ke aitbaar se Poora Saal guzar Jane per Dhaayi Rupiya Sekda Yani Chaleesva hissa Zakaat ada kare ,

┱Dekho Khuda e Paak ne kitna kam farzia rakha hai aur WO bhi tumhare liye hi hai Khuda ke kaam thoda hi aata hai ,WO to be-niyaaz hai ,Usi ne to Sab ko Sab Kuchh diya hai ,Tum Apne maal ka sawab Akhirat mai khud pa logi ,aur Duniya mai bhi Zakaat dene Ki vajah se maal Ki hifazat rahegi aur maal mai taraqqi hogi , Huzoor Sallallahu Alaihivasallam ne qasam kha kar farmaya hai k Sadqa se maal Kabhi kam nahi hota ,

┱Bahut si Aurte'n ye sawal karti hai'n k zever ke alawa hamare paas maal kaha'n hai ,agar isme se de to Sab khatm ho jayega , Pehli baat to ye hai k Shohar se le kar ada kar sakti hai, Jab WO Aapki tamaam zaruriyaat ke liye deta hai to kya Aapko dozakh se bachane ke liye Saal bhar mai Dhaayi fisadi kyu na dega ,aur agar WO nahi deta to Zever becho ,

┱ Abhi Abhi hadees se maloom hua hai k Sadqa se maal kam nahi hota , Agar tum Zakaat dogi to Allah Ta'ala aur zyada maal dega aur zever badhega magar tum to Allah Ki taraf badho ,

"__ Farz karo k Zakaat dete dete Zever khatm ho jaye to kya harj hua dozakh ke azaab se bach Jana aur Jannat Ki ni'amato ka mil Jana kya kam fayda hai ? 
┗═════════════════✿

*┱✿ Zever Ki Zakaat na dene Per Wai'yd,*

┱ Hazrat Amro bin Shoeb Apne waalid aur Dada ke Waaste se naqal karte hai'n k Ek Aurat Rasulullah Sallallahu Alaihivasallam Ki khidmat mai aayi , Uske saath uski ek ladki thi jiske haath mai Sone ke do mote mote kangan they ,

┱ Aap Sallallahu Alaihivasallam ne us Aurat se daryaft kiya k tum is zever Ki Zakaat ada karti ho ? Arz kiya nahi ! Farmaya kya tum ye pasand karti ho k inki vajah se Qayamat ke Din Allah Ta'ala tumko aag ke do kangan pehna de ,

┱Ye Sun kar us Aurat ne WO Dono kangan ( Bachchi ke haath se ) nikaale aur baargahe risalat mai pesh kar diye aur arz kiya ye dono Allah v Rasool ke liye hai'n, ( mai'n apne paas nahi rakhti Aapko akhtyar hai k jaha'n chahe kharch farmaye ),

*┱✿ Tashreeh_*

┱ Huzoor Aqdas Sallallahu Alaihivasallam ke Sahabi Mard v Aurat Sab hi Akhirat ke bahut fikar mand they aur Waha ke azaab se bahut darte they, dekha ek Sahabi Aurat ne dozakh Ki baat sun kar dono kangan Sadqa kar diye aur Aap Sallallahu Alaihivasallam ke hawale kar diye k Jaha chahe raahe Khuda mai kharch farmaye ,agarche azaab se bachne Ki ye soorat bhi thi k WO ab tak Zakaat ada kar deti aur Aainda Zakaat dene ka ahatmam karti ,

"__lekin unhone ye pasand hi na kiya k WO kangan paas rahe Kyunki shayad fir kotahi ho jaye ,isliye WO cheez paas na rakhi jisse giraft ka ahatmal ho sake , Subhanallaah Sahabi mard v Aurat kese deendar aur Akhirat ke fikrmand they, Raziyallahu Anhum Ajmaiyn,
┗═════════════════✿

*┱✿ Nifli Sadqa Ki Fazilat_,*

┱ Hazrat Asma Raziyallahu Anha ka bayan hai k Rasulullah Sallallahu Alaihivasallam ne mujhe khitaab karte hue farmaya k ( Raahe Khuda mai ) kharch karti raho aur gin gin kar mat rakhna ,Varna Allah Ta'ala bhi tujhe gin gin kar denge ,( Yani khoon zyada na milega ) aur maal ko band karke na rakhna varna Allah Ta'ala( bhi )Apni bakhshish ROK denge ,Jaha'n tak ho sake thoda bahut ( haajat mando per )Kharch karti raho ,"

ReF✿┅╮
          *Mishkaat -164 Ba Hawala Bukhari v Muslim*

┱ Hazrat Asma Raziyallahu Anha ko Huzoor Sallallahu Alaihivasallam ne fisabilillaah kharch karne aur gareebo yateemo miskeeno aur bewao'n Ki khabar giri Ki taraf tavajjoh dililayi aur Chaar baate irshad farmayi :-

1- Avval Kharch Karti raha karo ,

2- Gin gin kar na rakhna Yani Jama karne ke chakkar mai na padna ,doosra matlab muhaddiseen ne ye bataya k zarurat mand aur faqeer ko dete waqt na ginna , varna Allah Ta'ala ke yaha se bhi gin gin kar Milne lagega ,agar bahut hoga to uski barkat khatm kar di jayegi ,

3- Jama Kar ke na rakhna varna Allah Ta'ala bhi Apne khazana e gaib se tumhe na nawazenge ,

4- Thoda bahut Jo ho sake raahe haq mai kharch karti raho , Lafze thoda bahut Jo ho sake bahut aam hai aur har gareeb is per amal kar sakta hai, dar asal fi sabilillah kharch karne ka talluq Akhirat Ki muhabbat se hai maaldari se nahi ,Gareeb bhi Apni haisiyat ke muwafiq kharch kar sakta hai,
┗═════════════════✿

*┱✿Eid Ke Moqe Per Zevero Ka Sadqa Karna,*

┱ Hazrat AbdurRahman bin Aabis ka bayan hai k Hazrat ibne Abbaas Raziyallahu Anhu se kisi ne puchha Kya Aap Huzoor Sallallahu Alaihivasallam ke saath Eid ke moqe per haazir hai'n , Unhone jawab diya k haa'n ,mai'n Aap Sallallahu Alaihivasallam ke saath Eid mai mojood tha ,Aapne Eid Ki namaz Ada farmayi uske baad khutba diya Fir Aurto'n ke paas tashreef laye aur unko nasihat farmayi aur ( Akhirat Ki baate ) yaad dilayi aur Sadqa ka hukm farmaya ,

┱Us moqe per Aap Sallallahu Alaihivasallam ke saath Hazrat Bilaal Raziyallahu Anhu bhi aaye they, Unhone Apna kapda felaya aur Aurte'n unke Kapde mai Apne Apne zever utaar utaar kar fenkti rahi , Un zevero mai moti moti anguthiya ( bhi ) thi , Uske baad Aap Sallallahu Alaihivasallam Hazrat Bilaal Raziyallahu Anhu ko saath le kar apne daulat kada Ki taraf rawana ho gaye ,

ReF✿┅╮
              *Bukhari Sharif ,1/133*

┱Hazrat ibne Abbaas Raziyallahu Anhu Ki doosri Rivayat mai ye alfaz hai'n k Maine dekha Aap Sallallahu Alaihivasallam Ki Targeeb per Aurto'n ne Sadqa dena shuru kiya aur Apne kaano aur Halaqo ke zever utaar utaar kar deti rahi ,

┱ Isse maloom hua k Badi Badi anguthiyo ke saath kaano ki baaliya'n jhumke aur galo ke haar bhi un Aap Sallallahu Alaihivasallam se muhabbat rakhne wali mastooraat ne baargahe risalat mai pesh kar diye, Aap Sallallahu Alaihivasallam ka ye Sadqa wasool karna aam zarurat mando per kharch karne ke liye tha ,
              
┱ Maloom hua k Aap Sallallahu Alaihivasallam Ki muhabbat aur Marne ke baad Milne wale sawab ke muqable mai unke nazdeek zevero Ki koi haqeeqat nahi thi , Chunki yaqeem kaamil tha , Isliye jannat ke zever Ki talab aur ragbat mai unhone bejijhak Apne zever fisabilillaah utaar kar de diye aur is Khatm hone wali Duniya mai kaano ,Galo aur haatho ko bager zever ke rakhna pasand kar liya ,Allah Ta'ala Hume bhi ESE jazbaat naseeb farmaye - Aameen,
┗═════════════════✿

*┱✿Apni Aulaad Per Kharch Karne Ka Sawab_,*

┱ Hazrat Umme Salma Raziyallahu Anha ka bayan hai k Maine arz kiya-Ya Rasulullah ! Kya mujhe sawab milega agar ( Apne pehle Shohar ) Abu Salma Raziyallahu Anhu ke Bachcho per kharch karu'n k WO to meri hi Aulaad hai'n , ( Kya Apni Aulaad per kharch karne mai bhi Ajro Sawab milta hai ) ,

Aap Sallallahu Alaihivasallam ne farmaya k un per kharch karti raho ,tumko un per kharch karne ka Ajr milega _,"

ReF✿┅╮
            *Mishkaat-170 Ba hawala Bukhari ,*

┱Baat ye hai k Allah Ta'ala bade meharban hai'n, Halaal maal musalman mard v Aurat chahe apne nafs per kharch kare ,Chahe Aulaad per ,Chahe Maa'n Baap per ,Chahe doosre azeezo per ,Chahe mohtaajo per ,uske kharch karne mai bada sawab milta hai, Allahu Akbar ! Apno hi per kharch karo aur sawab bhi paao , Allah Ta'ala ka ye kitna bada karam hai ,
┗═════════════════✿

*┱✿ Hazrat Ayesha Raziyallahu Anha ne Ek Khajoor Sadqa Ki ,*

┱ Hazrat Ayesha Raziyallahu Anha ka bayan hai k ek Aurat mere paas aayi Jiske saath uski do bachchiya'n thi , usne mujhse sawal kiya , mere paas ek khajoor ke Siva Kuchh na tha , Maine WO ek Khajoor hi usko de di ,

┱Usne Khajoor ke do tukde kar ke dono Bachchiyo'n ko ek ek tukda de diya aur khud Zara bhi Kuchh na khaya ,

┱Uske baad jese hi WO nikli Rasoole Khuda Sallallahu Alaihivasallam daulat khane per tashreef le aaye ,Maine Aapko poora qissa sunaya , Aap Sallallahu Alaihivasallam ne farmaya k Jo Shakhs ( Mard v Aurat ) ladkiyo'n ( Ki dekhbhaal aur parwarish ) ke saath mubtila kiya gaya ( Yani unki khidmat aur parwarish uske zimme pad gayi ) aur fir usne unke saath achcha sulook kiya to ye Ladkiya'n Dozakh Ki aag se bachane ke liye uske waaste aad ban jayengi _,"

ReF✿┅╮
          *Mishkaat-431 Ba hawala Bukhari v Muslim,*

┱ Ek Hadees mai hai k Khajoor ke barabar bhi halaal kamayi se Jo Shakhs Sadqa de de to Allah Ta'ala usko badi qadar ke saath qubool farmate hai'n, Fir Jisne Sadqa diya uske liye sadqe ko badate rehte hai'n, Yaha tak k WO Pahaad ke barabar ho jata hai ,

ReF✿┅╮
      *Bukhari v Muslim ,*

"__Bande ne diya Khajoor ke barabar aur Khuda e Raheem v Kareem ne inayat farmaya Pahaad ke barabar ,ESA Daata Allah hi hai ,sadqe se Kabhi dareg na karo ,isse zarurat mando Ki haajat bhi poori hoti hai aur sadqe wale ko sawab bhi milta hai, kitna sawab milega iska andaza abhi maloom nahi ,
┗═════════════════✿

*┱✿ Ladkiyo'n Ki Parwarish Ki Fazilat,*

┱ Hazrat Ayesha Raziyallahu Anha Ki Hadees mai Jaha'n Sadqe ka bayan hai Wahi Ladkiyo'n Ki Parwarish Ki Fazilat bhi mazkoor hai , Huzoor Sallallahu Alaihivasallam ne Ladkiyo'n Ki Parwarish karne aur Khair khabar rakhne wale ko basharat sunayi k ESA Shakhs dozakh se mehfooz rahega aur Ladkiyo'n Ki ye khidmat uske liye dozakh se bachane ke liye aad ban jayegi ,

┱Hazrat Suraqa bin Maalik Raziyallahu Anhu se Rivayat hai k Razoole Kareem Sallallahu Alaihivasallam ne farmaya k ,

"_Tumhe Afzal tareen Sadqa na batau'n ? Fir khud hi jawab diya k Afzal tareen Sadqa ye hai k Tum Apni Ladki per kharch karo Jo talaaq Ki vajah se ya Beva ho kar tumhare paas ( Shohar ke ghar se ) waapas aa gayi tumhare alawa uske liye kamayi karne Wala nahi hai ,

┱ Sarware Do Aalam Sallallahu Alaihivasallam ne irshad farmaya k ,

"_ Jisne Teen Ladkiyo'n ya Teen Behno ke akhrajaat bardasht kiye aur Unko adab sikhaya aur Raham aur Shafakkat ka bartaav kiya Yaha'n tak k WO uske kharch se be-niyaaz ho gayi to Allah Ta'ala uske liye jannat waajib farma denge ,

┱Ek Shakhs ne arz kiya:- Ya Rasulullah agar Do Ladkiya'n ya do behne ho Jinki Parwarish Ki ho to uske bare mai kya hukm hai?

Farmaya :- uske liye bhi yahi Fazilat hai ,

Raavi kehte hai'n k agar ek ladki ke bare mai sawal kiya jata to Aap Sallallahu Alaihivasallam ek ke liye bhi yahi Fazilat batate ,

ReF✿┅╮
         *Mishkaat,*  

┗═════════════════✿

*┱✿ Azeezo Per Kharch Karna Dohra Sawab,*

┱ Apne Azeezo Qareebo Ki zarurato ka khayal rakhna aur unko dena dilana bahut sawab Ki baat hai ,Bahut se log Sadqa aur Khairaat ke naam se gareebo ko to bahut Kuchh dete hai'n, Doosre log Sawal karne aa Jate hai'n aur Apne Log gairatmandi aur Aabru Ki vajah se sawal nahi karte ,Lihaza Unki haajate aur Zaroorate ruki hui hai'n,

"_Halanki Apne Azeezo per kharch karne mai do sawab hote hai'n ek Sadqa karne ka ,doosra Azeezo Ki khabar lene aur khidmat karne ka ,

┱ Chunache irshade Nabvi Sallallahu Alaihivasallam hai :- Miskeen ko Sadqa dena sirf ek Sadqa (hi ) hai aur qarabat daar per Sadqa karne mai dohra sawab hai ,Kyunki ye Sadqa bhi hai aur qarabat daari ke huqooq Ki dekh bhaal bhi ,"

ReF✿┅╮
             *Mishkaat_*

┱ ye baat bata dena zaroori hai k Sadqa ko Sadqa v Khairaat bata kar dena zaroori nahi hai , Agar apne kisi Azeez qareebi rishtedar ko sadqe ke naam se Kuchh denge to WO nahi lenge aur uska Dil bhi bura hoga ,isliye Hadiya ke naam se dijiye ,balki Hadiye ka Lafz bolna bhi zaroori nahi , Balki sirf ye keh dijiye k ye paise hai'n kharch kar Lena ,ya Kapde bana dijiye ya aur kisi tarah unki jaa'iz zarurat mai kharch kar dijiye, 
┗═════════════════✿

*┱✿ Ummul Momineen Hazrat Zainab Raziyallahu Anha Dastkaari se Paisa Haasil Kar ke Sadqa Karti thi,*

┱ Hazrat Ayesha Raziyallahu Anha ne arz kiya k Ya Rasulullah Sallallahu Alaihivasallam Aapki Wafaat ke baad humme se konsi Bivi Sabse pehle Aapse Jaa kar milegi ( Yani Sabse pehle kiski wafaat hogi )?

Aap Sallallahu Alaihivasallam ne farmaya:- Tumme jiske haath Sabse zyada lambe hai'n ,( WO Sabse pehle Daare faani se rukhsat hogi ,maloom  karne wali Biviyo'n ne is baat ka zaahiri matlab samjha aur ) Ek Baans le kar sabke haath naapne lagi ,Natija Hazrat Sauda Raziyallahu Anha ke haath sabke haatho se zyada lambe nikle ,

"__( aur yahi samajh liya k Sabse pehle Hazrat Sauda Raziyallahu Anha Ki wafaat hogi ,Lekin hua ye k Sabse pehle Hazrat Zainab Raziyallahu Anha ne wafaat payi Lihaza ) Ab pata chala k Sabse pehle wafaat pani wali ke haatho ke lambe hone ka matlab ye na tha k naapne mai haath lambe honge balki lambe haatho ka maqsad zyada Sadqa Sadqa karna tha ,

┱ Sabse pehle Hazrat Zainab Raziyallahu Anha Ki wafaat hui ,WO Sadqa karne ko ( ba-nisbat doosri Biviyo'n ke zyada) pasand karti thi ,

ReF✿┅╮
        *Mishkaat -165 Ba hawala Bukhari,*

┱Hazrat Zainab Raziyallahu Anha ke bare mai Hazrat Ayesha Raziyallahu Anha ne farmaya :-

"__Koi Aurat Deendari aur Parhezgari aur Khuda tarsi aur Raastbazi aur Silah Rahmi aur Sadqa karne mai Zainab Raziyallahu Anha se bad kar na thi , Sadqe ke zariye Allah Ta'ala Ki nazdeeki haasil karne ke liye khoon mehnat se amal haasil karti thi aur usme unse bad kar koi Aurat na thi ,

┱ Hazrat Zainab Raziyallahu Anha dastkaari ke zariye maal haasil karti thi aur usse Sadqa diya karti thi , Aaj kal Ki Aurte'n to hazaaro Ki maaliyat mai se bhi footi kodi dene ko taiyar nahi ,Ek WO bhi Aurat hi thi Jiske Paas Paisa na hua to Dastkaari se kama kar Sadqa diya , Raato ko Namaz mai khadi rehti thi aur khoob  Kasrat se Roze rakhti thi,

┱ Behno Tum bhi Sakhi bano ,Sadqa karne Ki aadat daalo ,Jo Kuchh bache Akhirat ke liye bhejti raho ,
              
          ╙══════════╜

*┱✿ Hazrat Zainab Raziyallahu Anha Yateemo aur Bewao'n Ka Khaas Khayal rakhti thi ,*

┱ Hazrat Ataa ka bayan hai k Hazrat Zainab Raziyallahu Anha ka Salana Wazifa Betul maal se Hazrat Umar Raziyallahu Anhu ne 12 Hazaar Dirham muqarrar kiya tha Jise Unhone Sirf Ek Saal Qubool kiya aur lene ke saath hi Apne Azeezo aur haajatmando mai taqseem kar diya ,

┱ Ye Waqia sun kar Hazrat Umar Raziyallahu Anhu ne fir ek Hazaar Ki Raqam bheji aur farmaya k isko Apni Zarurato ke liye rakhna , Hazrat Zainab Raziyallahu Anha ne isko bhi taqseem farma diya ,

┱ Maut se pehle Wasiyat farmayi k Maine apne liye Kafan taiyaar kiya hai aur Ek Kafan Hazrat Umar Raziyallahu Anhu apne paas se bhejenge ,Lihaza ek Kafan Sadqa kar dena ,Chunache unki Bahan ne WO Kafan Sadqa kar diya Jo unhone khud tiyaar kiya tha ,

┱Jab Wafaat ho gayi to Hazrat Ayesha Raziyallahu Anha ne farmaya k Zainab Raziyallahu Anha Duniya se is tarah rukhsat hui k Achchhe Akhlaaq Ki vajah se unki tareef Ki jati hai aur ibaadat guzaari mai rukhsat hui aur Yateemo aur Bewao'n ko ghabrahat mai daal gayi Kyunki un per kharch karti thi ,
              
          ╙══════════╜

*┱✿ Shohar Ko Kamane Ka aur Bivi Ko Kharch Karne Ka Sawab Milta hai,*

┱ Hazrat Ayesha Raziyallahu Anha se Rivayat hai k Rasulullah Sallallahu Alaihivasallam ne farmaya k ,

"_ Jab Aurat Apne (Shohar ) ke khane mai se kharch kare aur bigaad ka tareeqa akhtyar karne wali na ho to usko Kharch karne Ki vajah se Sawab milega ,aur Uske Shohar ko kamane Ki vajah se Sawab milega, aur Jo khajanchi hai ( Jiske paas Raqam ya maal mehfooz rehta hai agarche WO Maalik nahi hai magar us maal mai se Maalik ke hukm ke mutabiq jab Allah Ki raah mai kharch karega to ) usko bhi isi tarah sawab milta hai ( Jese Maalik ko mila ,garz ye k ek maal se teen Shakhso ko sawab mil gaya ,Kamane wala,uski Bivi Jisne Sadqa kiya ,Uska khajanchi ) aur ek Ki vajah se doosre ke sawab mai koi kami na hogi ( Yani sawab bant kar nahi milega balki har ek ko us Amal ka poora poora milega )

ReF✿┅╮
       *Mishkaat-172 Ba hawala Bukhari v Muslim*

┱ Ijazat ke liye Saaf zabani ijazat hona zaroori nahi hai ,Agar ye maloom ho k Shohar kharch karne per Dil se Raazi hai to Ye bhi ijazat ke darje mai hai , aur ye bhi bigaad Ki raah hai k Apne Azeezo ko nawazti ho aur Shohar ke Azeezo qareebi maa baap aur ahlo ayaal ( khususan pehli Bivi ke bachche ) ko kharch se pareshan rakhti ho ,Sawab Samajh kar Bid'ato per kharch karti ho ,

┱ Zyada maal kharch karne mai saaf ijazat Ki zarurat hai ,bahut si Aurto'n ko sadqe ka josh hota hai magar mard Ki ijazat ka dhyan nahi karti hai ye galti hai , Haa'n agar Apna zaati maal ho to Shohar Ki ijazat Ki zarurat nahi magar mashwara kar Lena is soorat mai bhi mufeed hai ,

┱Ek Aurat ne arz kiya :- Ya Rasulullah Apne Baapo ,Beto aur Shoharo ke maalo mai kya kharch karna ( Yani Sadqa karna aur Hadiya Lena dena ) hamare liye halaal hai ?

Aap Sallallahu Alaihivasallam ne farmaya :- hari geeli Cheeze ( unki saaf ijazat ke bager bhi ) khaa liya karo aur Hadiya de diya karo ,Kyunki amuman esi cheezo ko kharch karne Ki ijazat hoti hai , Haa'n agar saaf Mana kar de to ruk jana ,
              
          ╙══════════╜

*┱✿ Sadqa Jaariya Ka Sawab,*

┱ Hazrat Abu Huraira Raziyallahu Anhu se Rivayat hai k Huzoor Aqdas Sallallahu Alaihivasallam ne irshad farmaya k ,

"_ Jab insaan mar jata hai to uske Sab Amaal khatm ho Jate Hai'n ,Lekin Teen Cheezo ka nafa pahunchta rehta hai,
1- Sadqa Jaariya,
2- Esa ilm jisse log nafa haasil karte hai'n ,
3- Nek Aulaad Jo uske liye Dua karti hai ,

ReF✿┅╮
            *Mishkaat, 132, Muslim,*

┱ Jab Aadmi zinda rehta hai to khud nekiya'n kamata hai aur Apne liye Akhirat mai zakheera Jama karta rehta hai, Lekin jab maut aa jati hai to Amaal khatm ho Jate hai'n aur Sawab jaari rehne ka silsila bhi khatm ho jata hai, albatta teen Cheeze esi hai'n Jo Hadees mai zikr Ki gayi unka sawab maut ke baad bhi jaari rehta hai,

┱ Sadqa Jaariya usko kehte hai'n Jiska nafa waqti taur per khatm na ho balki usse log hamesha faayda uthate rahe ,aur Sadqa karne wale ko sawab milta rahe , Deeni madrse Ki tameer mai hissa liya , Kisi Darul Uloom mai hadees ,fuqha ,Tafseer vagera ki Kitaabe waqf kar di ,Kahi Kunwa (well) khudwa diya ,Musafir khana banwa diya Ya koi esa kaam kar diya jisse logo ko nafa pahunchta rahe , isse uske naama e amaal mai sawab likha jata raha, uske darje buland ho rahe hai'n, Jaha tak ho zindgi mai esa kaam zaroor karna chahiye,

┱ WO ilm jisse nafa uthaya jata ho ,kisi ko Qur'an e Majeed hifz karwa diya ,kisi ko Maulvi banwa diya,Kisi ko namaz sikha di ,Ya koi Deeni Kitaabe likhi ,ye ilmi Sadqa Jaariya hai ,

┱  Nek Aulaad Jo Dua karti ho uski Dua ka faayda bhi Waliden ko pahunchta rehta hai ,Aulaad ko paalna posna chunki waliden ka amal hai aur Waliden Ki Parwarish ke baad Aulaad Dua ke qaabil hui ,isliye Aulaad ko Waliden ka Amal shumaar kar liya gaya ,Balki agar Aulaad ko ilme Deen sikhlaya aur Deeni Amal per daala to Jo Amal Saleha karega Maa'n Baap ko bhi uska sawab milega, Kyunki WO uski nekiyo'n   ka zariya bane , 
         
          ╙══════════╜

*┱✿ Padosiyo'n Ko Lene Dene Ki Fazilat ,*

┱ Hazrat Abu Huraira Raziyallahu Anhu ka bayan hai k Huzoor Aqdas Sallallahu Alaihivasallam ne musalman Aurto'n se khitaab kar ke farmaya k koi Padosan Apni Padosan ke liye kisi bhi cheez ( ke lene dene ) ko haqeer na Jane ,Agarche Bakri ka Khur hi ho _,"

ReF✿┅╮
           *Mishkaat, 167 Ba hawala Bukhari v Muslim,*

┱ Islam mai Padosi ke bade huqooq hai'n, Jinki nigaah daast zaroori hai, Huzoor Sallallahu Alaihivasallam ne farmaya k Padosi ke saath achchhi tarah mil jul kar rehne aur uske huqooq Ki riyayat ke bare mujhe Jibreel Alaihissalam ne is qadar baar baar tavajjoh dilayi k jisse mujhe ye gumaan ho gaya k ( Shayad ) Padosi ko ( Doosre Padosi ke maal se ) miraas dila kar chhodenge ,

ReF✿┅╮
      *Bukhari v Muslim*

┱ Ek Hadees mai irshad hai k ,Ek Saath rehne sehne walo mai Sabse behtar WO hai Jo Apne Sathiyo ke liye behtar ho aur padosiyo mai Sabse behtar WO hai Jo Apne Padosiyo ke liye Sabse behtar ho ,"

ReF✿┅╮
          *Tirmizi _*

┱ Maloom hua k insan ke achcha bura hone ka madaar saathiyo aur padosiyo ke saath husne sulook karne na karne per hai , Aaj kal Rishtedaro aur Behan Bhaiyo mai Khush Akhlaqi ke saath rehne aur Khushgawar talluqaat rakhne ka rivaaj nahi raha ,ye imaani zindgi ke andar bahut bada Khala ( Gape ) hai , Momin to Dushman ko bhi Khush karne Ki koshish karte hai'n ,

"__ Khulasa ye hai k Aurto'n ko talluqaat Khushgawar rakhne se zyada bigaadne ke dhang aate hai'n, Unke is mizaaj ke peshe nazar Huzoor Aqdas Sallallahu Alaihivasallam ne Aapas mai Hadiye ka Len den rakhne Ki Targeeb di ,Lena dena badi achchhi khaslat hai , Ek Hadees mai irshad hai k Aapas mai Hadiya liya diya karo ,Kyunki WO keeno ko door karta hai ," ( Mishkaat-261)
              
          ╙══════════╜

*┱✿ Kisi Ka Hadiya Haqeer na Jano ,*

┱ Hadiya dene jesi umda khaslat ko akhtyar karne mai bhi Shaitaan bahut se rode daal deta hai aur esi nafsaniyat Ki baate samjhata hai Jo Hadiya dene se baaz rakhti hai , Chunache bahut si Aurte'n ye kehne lagti hai'n k Zara si cheez ka kya dena ? Kisi ko Kuchh de to thikane Ki cheez to de ? Do jalebi kya bheje ,Koi kya kahega ? Isse to na bhejna hi achcha ,,, vagera vagera ..,

┱Isi tarah Hadiya qubool karne mai bhi Shaitaan Chhote Bade ka sawal sujhata deta hai ,Agar kisi Padosan ne mamooli cheez Hadiya mai bhej di to kehti Hai'n nigodi ne ye kya bheji hai ,Zara Apni haisiyat ka bhi khayal nahi kiya na hamari izzat ka ,Bhejne mai Sharm bhi na aayi ,goya bhejne ka shukriya to door taan tashnee aur geebate shuru hoti hai'n ,

┱ Qurban Jaiye us Hakeem v Mu'alij ke ( Sallallahu Alaihivasallam ) Jisko khaliqe kaaynaat ne Dilo Ki bimariyo se agaah farmaya aur Saath hi unka ilaaj bhi bataya ,

"__Farmaya :- Koi Padosan kisi Padosan ke liye Kisi cheez ke Hadiye ko Haqeer na Jane ,"

Bator misaal Farmaya k agar Bakri ka khur hi ek Aurat doosri Aurat ke paas bhej sakti ho to bhejne wali kam samajh kar ruk na jaye aur doosri Aurat uske qubool karne ko apni shaan ke khilaf na samjhe ,

┱ Har Chhota bada Hadiya bashashat se qubool karo ,Dil zubaan se Shukr ada karo ,Bhejne wale ko Dua do ,Allah se uske liye Barkat Ki Dua maango aur ye bhi khayal rakho k hum ko bhi bhejna chahiye, moqa lage to zaroor bhejiye aur Behno mai beth kar tazkira karo k falani ne mujhe ye Hadiya bheja hai  taki uska Dil Khush ho ,Aur Hadees ka ye matlab na samjhe k Hadiya kam hi bheja kare ,balki zyada mayassar ho to zyada bhejo aur kam Ki vajah se ruko nahi ,
              
          ╙══════════╜

*┱✿Hadiya dene mai Konse Padosi ko Zyada Tarjeeh hai,*

┱ Hazrat Ayesha Raziyallahu Anha farmati hai'n k Maine Arz kiya Ya Rasulullah Sallallahu Alaihivasallam ! Mere do Padosi hai'n Unme se Kisko Hadiya du'n ?

Aap Sallallahu Alaihivasallam ne irshad farmaya:- Dono mai Jiska darwaza tumse zyada qareeb ho ,"

ReF✿┅╮
            *Mishkaat: 171 Ba hawala Bukhari,*

┱Huzoore Aqdas Sallallahu Alaihivasallam ne jab Hadiya lene dene ki Targeeb di aur Usi ko ulfat v muhabbat aur sawabe Akhirat milne ka zariya bataya to is silsile mai baaz baate maloom ho gayi jisme se ek Sawal ye bhi hai Jo is Hadees mai mazkoor hai ,

┱Hazrat Ayesha Raziyallahu Anha ne maloom kiya k agar agar mere do Padosi ho ( Ye bator misaal hai ) aur mujhe Kuchh Hadiya dena ho aur dono ke dene ke liye na ho to kisko du'n ? Matlab ye hai k Dono mai kon muqaddam hai aur pehle kiska khayal karna chahiye ,

┱Aap Sallallahu Alaihivasallam ne farmaya k Jiska darwaza Sabse zyada qareeb ho usko do , is Hadees se Padosiyo ko Hadiya dene ka ek tareeqa bhi maloom hua aur ye bhi pata chala k Neki karne ke liye Samajh chahiye aur uske liye ilm ki bhi zarurat hai aur hosh ki bhi ,

ReF✿┅╮
   
*Tohfa E Khawateen,*
╨───────────────────── 
                   

Tohfa e Khawateen taLeem v tarbiyat





                       ﺑِﺴْــــــــــــــــﻢِﷲِﺍﻟﺮَّﺣْﻤٰﻦِﺍلرَّﺣِﻴﻢ

         ✰══❖══✰═══❖══✰

        鹿 *TOHFA-E-KHAWATEEN* 鹿

                  ✰﹏﹏﹏﹏﹏﹏✰  
     
        *⊙_ TALEEM V TARBIYAT_ ⊙*

╨───────────────────── 
*┱✿ Bachcho Ko Deen Sikhane Ki Zimmedari Maa'n Baap Per Hai _,*

┱ Hazrat Amru bin Shoayb Reh.Rivayat Karte Hai'n k Maine Apne Dada ki Kitaab mai ( Jisme unhone Huzoore Aqdas Sallallahu Alaihivasallam ki Ahadees Jama ki thi) ye likha hua paya k Jab Tumhari Aulaad bolne lage to unko "La ilaaha illallaah " sikhao , Fir unki maut aane Tak fikr mat Karo ,

( Yani Shuru mai Jab Aqeeda Theek Kar diya Aur islam ka Aqeeda usko sikha diya to ab Koi dar nahi ,imaan ki pukhtgi use imaan per hi zinda rehne degi Aur isi per in Sha Allah Uski Maut aayegi ) Aur Jab unke Doodh Ke daant girne lage to unko Namaz ka Hukm Karo _,"

* Ravaah ibne Sunni fi Amalil Yaum wa Laylatul 113,*

┱ Laa ilaaha illallaah imaan Ka Kalma Hai ,Ye islam ke tamaam Aqa'id  ko Shamil Hai ,Aur Aqa'id hi Asal Deen Hai , Agar Aqa'id sahi nahi ho to islam Ka Dawedaar hona bilkul bekaar Hai ,Mahaz Dawa Karne se ya Musalman ki Aulaad hone se koi Musalman nahi ho jata , Islam ke Aqa'id Ka jaanna aur maanna farz Hai , Farmaya k Jab bachcha bolne lage to yahi nahi k Sirf Lafz Laa ilaaha illallaah sikhaye balki iska tarjuma bhi yaad karaye aur iska Matlab aur iske taqaze bhi samjhaye k Kalma humse Kya chahta Hai ,jese jese Bachcha hosh sambhalta Jaye usko islam ke Aqeede sikhate chale jaye ,

┱ Bahut se Maa'n Baap Bachcho ko islami Aqa'id nahi sikhate balki khud bhi nahi Jaante , Duniya ki taleem mai Bahut aage bikal Jate hai'n ,toheed v risalat aur akhirat se na waqif anjaan hote hai'n ,  Bahut se log to ese hote Jo islam ke Aqa'id Ka mazaaq banate hai'n aur Allah aur uske Rasool ki talimaat per aitraaz karte hai'n aur fir bhi Apne Aapko Musalman shumaar karte hai'n halanki ese log Shar'an Musalman nahi Hai ,

╨───────────────────── 
*┱✿ Bachcho ko Namaz Sikhane Ka Ahatmam karna Laazim Hai _,*

┱ Hazrat Sabarah Raziyallahu Anhu se rivayat hai k Nabi Kareem Sallallahu Alaihivasallam ne irshad farmaya k Apne Bachcho ko Namaz Sikhao Jabki wo Saat saal ke ho aur na Namaz na padhe to Unki pitayi karo Jabki wo Sas saal ke ho _,"

* Sunan Tirmizi -1/58*

┱ is Hadees mai Bachcho ko Namaz sikhane aur unse Namaz padhwane Ka hukm Hai , dar haqeeqat Sahi Amal Sahi ilm ke bager nahi ho sakta , Akhirat ke taqaze is Waqt saamne nahi Hai isliye Deendari ki taraf insaan Ka zahan Bahut Kam Jata Hai, Maa'n Baap Ka fariza Hai k Bachcho ko Deen sikhaye aur iski zyada ahmiyat de Kyunki Deen hi Akhirat ki Hamesha ki Zindagi Mai Kaam dene Wala Hai ,

┱ Bahut se log Bachcho se Bahut zyada Muhabbat karte hai'n Magar Unki ye Muhabbat Sirf Duniyavi Araam v Raahat Tak mehdood hoti Hai ,Unki Asal zarurat Yani Akhirat ki Nijaat aur Maut ke baad ke Araaam v Raahat ki taraf tavajjoh nahi hoti , Halaal maal se Halaal tareeqe per khilana pilana aur pehnana achchi Baat Hai lekin insaan ki Sabse badi zarurat Akhirat Ka Araam aur sukoon Hai , Aulaad ko Deen Ka ilm aur A'amaal se gaafil aur Jaahil rakhna Bahut bada Zulm Hai , 

┱ Bachcho ko Allah ke Naam se Aasna kare aur ese Tor tareeqe Khud Akhtyar kare k unko dekh Kar Bachcho Ke zahan mai islami A'amaal ki Muhabbat paida hoto chali Jaye aur Jese jese Bachcha hosh sambhalta Chala Jaye islam ke Kaam uske zahan mai raasikh hote chale jaye, 
             
╨───────────────────── 
*┱✿ Aulaad Ke bare mai Daure Haazir Ke Logo ki Badhaali _*

┱ Bachcho ki Khushi ke Liye unko gair zaroori  libaas bhi pehnate hai'n, Unke Liye Tasveere, Moortiya'n khareed Kar late hai'n aur Apne gharo ko unki vajah se Rahmat ke Farishto se mehroom rakhte hai'n,

┱ Udhaar qarz Kar ke unki Jaa'iz na-Jaa'iz zarurato aur Farmaisho ko poora karte hai'n, Zaibo Zeenato ki , Faishion per achchi khaasi raqam kharch karte hai'n , Lekin unko Deen per daalne ki Fikr  nahi karte ,Ye Bachcho Ke saath Bahut badi dushmani Hai , Agar Deen nahi to Akhirat ki tabaahi hogi , Waha ki tabaahi ke saamne Duniya ki Zara si chatak matak aur chahal pahal kuchh bhi haqeeqat nahi rakhti ,

┱ Apni Aulaad Ke Sabse bade Mohsin Maa'n Baap hai'n , Jo Apni Aulaad ko Deeni ilm padhate hai'n aur Deeni A'amaal per daalte hai'n, ye ilm na Sirf  Aulaad Ke Liye balki khud Maa'n Baap ke Liye bhi Qabr mai aur Akhirat mai nafamand hoga ,

┱ Logo Ka ye haal Hai k Bachcho ko hosh sambhalta hi School aur College ki Nazar kar dete hai'n Ya mehnat mazdoori per laga dete hai'n, Namaz Roza sikhane aur batane aur Deeni Fara'iz samjhane aur un per Amal karwane ki Koi Fikr nahi karte , Shadiya'n ho jati hai ,Baap Dada ban Jate hai'n Lekin Bahut se logo ko Kalma Tak sahi yaad nahi hota ,Namaz mai Kya padha Jata Hai isse bhi waqif nahi , 80-80 saal ke Budho ko dekha gaya Hai k Deen ki Moti Moti baate bhi nahi Jaante ,

╨───────────────────── 
*┱✿ Jahalat Ki Vajah se Aulaad Baap Dada Ko Na Gusl dete Hai na Janaza hi Padh Sakte_,*

┱  Jab Baap Dada ki Maut ho jati hai to Awwal to Bete ,Pote janaze ko haath lagane se ghabrate hai'n ,Koi Gusl dene ko taiyaar nahi hota akhir gair log nehlate hai'n aur Baaz jagah to Kiraye ke log Gusl dete hai'n, Ghar ke log Kafan Dena bhi nahi Jaante k Kapde kitne ho aur kese pehnaye Jaye ,

┱ Fir Jab doosre logo ne ( Jo Amuman Namazi Deendaar Hote Hai'n ) nehla dhula Kar Kafan de Diya to Masjid ki taraf janaza le kar chalte hai'n Waha'n imaam Sahab se Janaza padhate hai'n halanki Shar'an Janaza padhane Ka Sabse bada Haqdaar mayyat Ka wali Hai lekin ye Wali Marne wale Ka Beta ya Pota Namaz padhane se aajiz  Hai Kyunki Namaze Janaza Yaad hi nahi hoti ,

┱ Baaz martaba to log Jag hansayi se bachne ke liye Mayyat ke rishtedar janaze ki Saf mai khade ho Jate hai'n Magar unhe ye maloom nahi hota k padhna Kya Hai ,Aur Baaz ese bhi Hote Hai'n Jo Namaz se door Alag khade rehte Hai'n , vajah Kya Hai k Apne hi khaas log Janaza padhne padhane se aajiz Hai?

""__Kya iski ye vajah nahi k Hai k Marne wale ne inko Deeni taleem nahi di ,Unko Deen per nahi daala ,Namaz Roza nahi sikhaya ,Badi badi Jaaydaade khareed Kar Aulaad Ke naam Kar di Magar is qabil bana Kar na chhoda k Baap Ka Janaza hi sahi Tor per padh leta, ( isse Sharm ki Baat aur Kya hogi ) inna lillaahi wa inna ilayhi Raaji'oun,

┱ Jab Kaha Jata Hai k Aulaad ko Qur'an padhao ,Deen Sikhao aur Namaz Roza per daalo to Baaz Maa'n Baap Keh dete hai'n k Apne Bachcho ko Mulla thode hi banana Hai ye to Doctor, Engineer banega , iska Matlab ye hua k Deendaar hona aur Namaz Ka paband hona be faayda Cheez Hai Aur Deendaar hona Koi ghatiya Kaam Hai ,Esi soch Hiqaarat ke laayaq Hai ,Allah hifazat kare ,

"__ Kya Qabr mai Angrezi Ka padhna likhna Kaam aayega aur Kya Duniya ki Afsari ,Kothi Bangla Waha Nijaat dila degi , Hargiz nahi Waha to imaan aur A'amaal, Namaz Roza zikro tilawat se Kaam chalega , Agar Akhirat Haq Hai Jesa k Sab Musalman Jaante hai'n to uske Liye daud dhoop kyu nahi karte ? Aur Aulaad ko Waha ke Liye fikrmand kyu nahi banate ? Aur A'amaale Saleha per kyu nahi daalte ? Haqeeqat mai imaan v yaqeen ki kami ek Bahut bada marz Hai Jisne Akhirat se gaafil Kar rakha hai ,

╨───────────────────── 
*┱✿ Maa'n Baap ki Goad Pehla Madarsa Hai_,*

┱ Bachcho ki taleem aur tarbiyat Yani Yani unko Deen Ka ilm sikhane aur Deen Ka Amal Kar ke dikhane aur Amal Ka Shoq paida Karne Ka Sabse Pehla Madarsa unka Apna Ghar aur Maa'n Baap ki Goad Hai ,

┱ Maa'n Baap,Azizo Aqarib Bachcho ko jis saanche mai chahe dhaal sakte hai'n aur Jis Rang mai chahe rang sakte hai'n ,Bachche Ka sanwarna aur bigadna dono Ghar se chalte hai'n , Bachcho ki taleem v tarbiyat ke Asal zimmedar Maa'n Baap hi hai'n ,Bachpan mai Maa'n Baap unko jis Raaste per daal denge aur Jo tareeqa bhala ya bura sikha denge Wahi Unki saari Zindagi ki buniyad ban jayega ,

┱ Bachcho Ke Dil Mai Khuda Ka khof ,Khuda ki Yaad ,Khuda ki Muhabbat aur Akhirat ki fikr ,islami ahkaam seekhne sikhane aur Unke mutabiq Zindagi guzaarne Ka jazba paida ho Jane ki poori poori koshish Karna Laazim Hai, Unko Nek Aalimo aur Hafizo ki Sohbato mai Deen ki taleem dilaye , Qur'an Sharif Hifz karaye , Qur'an v Hadees ke maa'ani aur Matlab samajhne ke Liye Arbi padhao , Unko haraam se parhez Karna aur Dayanat daari ,Haya Sharm ,Sakhawat ,Sabr ,Shukr ,Hilm , Bando ke huqooq ki adaygi aur isi tarah ke doosre achche Akhlaaq ki taleem do ,

╨───────────────────── 
*┱✿ Bachcho ki Taleem v Tarbiyat Maali Sadqe se Afzal Hai_,*

┱ Hazrat Jaabir bin Abdullah Raziyallahu Anhu se rivayat hai k Huzoor Sallallahu Alaihivasallam ne irshad farmaya k insaan Apne Bachche ko adab sikhaye to bila shuba ye isse behtar Hai k ek Sa'a Galla vagera sadqa kare _,*

* Mishkaatul Masabeh-- 423 Ba hawala Tirmizi,*

┱ Hazrat Umar bin Saied  se rivayat hai k Huzoor Sallallahu Alaihivasallam ne irshad farmaya k kisi Baap ne Apne Bachche ko Koi esi Bakhshish nahi di Jo Achche adab se badh kar ho _,"

* Mishkaatul Masabeh- 423 Ba hawala Tirmizi v Bayhiqi ,*

┱ in dono Hadeeso mai Nabi Kareem Sallallahu Alaihivasallam ne Aulaad ki tarbiyat ki taraf khusoosi tavajjoh dilayi Hai , Baat ye Hai k Bachche bilkul Saada loh Hote Hai'n agar Unki tarbiyat na ki Jaye aur ilm v Amal se araasta na kiya Jaye to Sirf dekhne mai wo insaan Nazar aate hai'n aur Unke Akhlaaq v Adaat Vehshiyana aur Tor Tareeqe Jaahilana ho Jate hai'n ,

┱ Lafze Adab mai Huqooqullah aur Huqooqul ibaad dono shamil Hai , Ye Jo Huzoor Sallallahu Alaihivasallam ne farmaya k Achche adab se badh kar kisi Baap ne Apne Bachche ko Koi Bakhshish nahi di, isme poore Deen ki taleem aa jati hai Kyunki Deene islam Achche adab ki mukammal tashreeh Hai ,Bahut se log Lafze Adab Ka maroofi ma'ana le kar uska rivaaji Matlab le lete hai'n aur unhone  uthne bethne ke tareeqe Tak hi adab Ka Matlab samajh rakha hai ,

╨───────────────────── 
*┱✿ Gair Islsmi Tor Tareeqe Aadaab Nahi Hai'n,*

┱ Bahut se Log Aulaad ko Adab to sikhate Hai'n Lekin Dushmanane islam ne Jo Zindagi Ke Aadaab Bata rakhe Hai'n unhi ki naqal utaarne  ki koshish Karte Hai'n , Islam Ke Khilaf Jo cheeze Hai'n wo Aadaab Nahi Hai'n ,

┱ Aaj hum dekh rahe Hai'n k Hamari maashre se islami Aadaab khatm Hote ja rahe Hai'n , Sharmo Haha khatm ho chuki Hai , Bado ki izzat ki koi parwaah nahi rahi , Halaal v Haraam ka khayal nahi , in Sab cheezo Ke natije ab Apni Aankho se dekh rahe Hai'n , Rishtedar aapas mai ek doosre Ke khoon Ke pyaase Hai'n , Ladkiya'n agwa ho rahi Hai'n , Be byaahi Ladkiya'n sahibe Aulaad ban rahi Hai'n, Maa'n Baap ko daant dapat ki Jati Hai , balii Maalo Jaydaaf per qabze Ke Liye Maa'n Baap ko Maut Ke ghaat utaarne Ke waqiaat bhi Sunne mai aate Hai'n ,

"_ Besharmi akhtyar Kar Ke Khushi Mehsoos Karte Hai'n k Hum Modern Hai'n , Meri Aulaad ne Uroup Walo ka Libaas pehan liya , American Walo ki naqal utaarne laga ,Ese log burayi ko burayi bui nahi samajhte ,Unko chhodne Aur chhudane ka to zikr hi Kya ,

┱ Allah Ta'ala Ummate Muhammadiya per Raham farmaye Aur Deeni Samajh de Aur islami Akhlaq v Aadaab se Araasta hone ki fikr naseeb farmaye , Aameen ,

╨───────────────────── 
*┱✿ Ghar Walo Ko Allah Se Darate Raho _,*

┱ Hazrat Maaz bin Jabal Raziyallahu Anhu ne Bayan farmaya k Huzoore Aqdas Sallallahu Alaihivasallam ne mujhe das baato ki wasiyat farmayi -

1- Allah Ke Saath Kisi ko Shareek na bana agarche tu qatl Kar diya Jaye Aur tujhe Jala Diya Jaye ,

2- Aur Apne Maa'n Baap ki Na-Farmani hargiz na karna agarche tujhe Hukm de k Apne Ghar Walo ko Aur Maal v Daulat ko chhod Kar nikal ja ,

3_ Farz Namaz hargiz Jaan bujhkar na chhodna Kyunki Jisne Jaan bujhkar farz Namaz chhod di usse Allah ka zimma bari Ho gaya ,

4_ Sharaab Hargiz mat pi Kyunki wo be-hayaai ki Jad Hai ,

5_ Gunaah se Bach Kyunki gunaah ki vajah se Allah ki naraazgi naazil ho Jati Hai,

6_ Maidane Jihaad se mat bhaag Agarche ( doosre ) log ( Tere saathi ) halaak ho Jaye ,

7_ Jab Logo mai ( Waba se ) Maut fail Jaye Aur Tu waha mojood ho to waha jam Kar rehna ( Us Jagah ko chhod Kar mat Jana ) ,

8_ Aur Jinka Kharcha tujh per laazim Hai ( Bivi ,Bachche Vagera ) un per Apna Achchha Maal ( Halaal ) kharch karna ,

9_ Aur unko Adab Sikhane ke peshe Nazar unse Apni laathi hata Kar mat rakhna ,

10_ Aur unko Allah ( Ke ahkaam v qawaneen )bare mai Darate rehna _,"

* Mishkaatul Masabeh- 18 Ba Hawala Musnad Ahmad,*

┱ is Hadees mai Jin Baato ki Nasihat ki gayi Hai Bahut hi Aham Hai'n , Virde Zubaan Aur Harze Jaan banane Ke qabil Hai'n , Aabe zar se likhi Jaye tab bhi inka Haq ada nahi Hoga , Har Musalman per laazim Hai k in Nasihato per Amal Kare , 
              
▦══─────────────══▦

ReF✿┅╮    
         * Tohfa E Khawateen,*
                  ╨───────────────────── 
                   

Tohfa e Khawateen Namaaz






✰══❖═══✰══❖═══              
                         ﺑِﺴْــــــــــــــــﻢِﷲِﺍﻟﺮَّﺣْﻤَﻦِﺍلرَّﺣِﻴﻢ 
 ═══❖══✰═══❖══✰
       鹿 *TOHFA-E-KHAWATEEN* 鹿
 
                  *⊙NAMAAZ*⊙
   ┗═════════════════✿
*┱✿Namaz Ki Farziyat Aur Ahmiyat_,*
┱ Farmaya Huzoor Sarware Aalam Sallallahu Alaihivasallam ne k Apni Aulaad ko Namaz Padhne ka Hukm do Jabki WO Saat Saal ke ho jaye aur Namaz ( na Padhne ) per unki Pitaai karo , Jabki WO Das Saal ke ho jaye aur Unke Bistar alag alag kar do ( Yani Ladko aur Ladkiyo ko saath na sulaao )_,"

* Mishkaat- 58 Ba hawala Abu Daowd,*

*┱ Tashreeh_* _ islam ka doosra rukn Namaz hai , Qur'an v Hadees mai Namaz ki sakht takeed waarid hui hai , Iski Farziyat ka munkir Kaafir hai aur iska na Padhna bahut bada gunaah hai , Surah Ar-Room, Aayat 31 mai irshad hai :-
*َأَقِيمُوا الصَّلَاةَ وَلَا تَكُونُوا مِنَ الْمُشْرِكِينَ*
Yani Namaz qaa'im karo aur Mushrikeen mai se na Bano ,

┱ Ek aur Hadees mai irshad hai :- Hamare aur Kaafiro ke darmiyan Jo asli aur waqa'i farq hai WO Namaz Padhne na Padhne ka farq hai, Pas jisne Namaz chhod di usne kufr ka kaam kiya ,

┱ Abu Darda Raziyallahu Anhu ne farmaya :- mere dost sarkare do Aalam Sallallahu Alaihivasallam ne mujhe khaas tor per nasihat farmayi k Allah ke saath kisi cheez ko bhi shareek na banana agarche tere tukde kar diye jaye aur tu jala diya jaye aur Farz Namaz qasdan na chhodna kyunki jisne ( Namaz ka waqt hote hue ) Apne iraade se farz Namaz chhod di to usse ( Allah ka ) zimma bari ho gaya , ( Yani Duniya v Aakhirat mai use Azaab aur takleef aur zillat se bachane ki koi zimmedari Allah per nahi rahi ) aur Sharaab na pi kyunki WO har gunaah ki chaabi hai _,"

* Mishkaat- Ravaah ibne Maaja,*
 ┗═════════════════✿
*┱✿ Fara'ize islaam mai Namaz Ka Muqaam _,*

┱ Islam Ke Faraiz v Amaal to bahut hai'n magar Namaz ko Jo muqaam diya gaya hai uski vajah se Namaz ki ahmiyat bahut Zyada hai , Namaz ka buland martaba isse samajh lo k doosre faraiz ka zameen per rehte hue Hukm diya gaya aur Namaz ke liye Khuda e Paak Wahdahu la shareek ne ye ahaam farmaya k Raoole Akram Sallallahu Alaihivasallam ko Meraaj kara kar Aalame baala mai ataa farmayi,

┱ Aur islam ke faraiz mai duniya mai sabse pehle Namaz farz hui Aur Aakhirat mai sabse Pehle Namaz hi ka hisaab hoga ,balki Aakhirat ki kaamyabi aur Ba-muraadi ka madaar hi Namaz me theek nikalne per hai ,

┱ Hazrat Abu Huraira Raziyallahu Anhu farmate hai'n k Sarkaare Do Aalam Sallallahu Alaihivasallam ne irshad farmaya :-

"__ Qayamat ke din Bande ke amaal ka Jo hisaab hoga unme sabse Pehle number per Namaz hai , So agar theek nikli to ( banda ) Kaamyab aur Ba-muraad hoga agar Namaz kharaab nikli to nakaam hoga aur khasare mai padega Yani nuqsaan uthayega _,"

* Mishkaat Sharif ,*

┱ Bahut se log Namaz nahi padhte magar Apne ko namaziyo'n se behtar aur Pakka Jannati samajhte hai'n , Unko Shaitan ne ye dhoka de rakha hai k Namaz nahi padhte to kya fala fala tareeqe se makhlooq ki khidmat anjaam dete hai'n ,logo ka free ilaaj karte hai'n, Dawaiya'n free dete hai'n vagera vagera , Halanki Namaz nahi to Kuchh bhi nahi Namaz ke bager doosre Amal maqbool ho na honge ,
 ┗═════════════════✿
*┱✿ Ek Namaz Ki Qeemat Kis Qadar hai_*,

┱ Sarware do Aalam Sallallahu Alaihivasallam ka irshad hai k Jiski Asr ki ( ek) Namaz jati rahi ( uska is qadar nuqsan hua k ) Jese Uske ahal v aulaad aur saara maal khatm ho gaya _,"

 *(Bukhari )* 

┱ Hazrat Nabi Kareem Sallallahu Alaihivasallam ne farmaya hai k Paanch Namaze Allah Ta'ala ne farz ki hai'n Jisne in Namazo ka wazu achchhi tarah kiya aur unko ba waqt padha aur unka Ruku v Sajda poori tarah ada kiya to Uske liye Allah Ta'ala ka zimma aur uska Ahad hai k Allah usko bakhsh dega aur jisne esa na kiya to Uske liye Allah ke zimme koi ahad (Bakhshish ka )  nahi chahe Bakhshe chahe Azaab de _,"

* Mishkaat Sharif ,*            
 ┗═════════════════✿
*┱✿ Namazi Ka saara Jism ibaadat mai lag jatahai _,*

┱ Namaz mai badi khoobi ye hai k Namaz padhte waqt namazi ka Sara jism ibaadat hi mai lag jata hai, haath ,Paanv ,kamar ,Naak ,Aankh ,Zubaan Sab usi tarah ba moqa ba moqa rakhne aur istemal karne padhte hai'n Jis tarah Hukm hai , 

"__Yu samjho k Namazi ke badan ka har hissa khuda ke Hukm per chalne ki mashq karne mai lag jata hai aur Koi mard ya Aurat theek theek Namaz padhe to Namaz ke bahar bhi gunaho se bachega , Qur'an Sharif mai irshad hai - Namaz be hayaai se aur bure kaamo se rokti hai ,

*┱✿ Be Waqt Kar ke Namaz Padhna Munafiq kiNamaz hai _,*

┱ Hazrat Rasoole Maqbool Rasulullah Sallallahu Alaihivasallam ne Namaz ko be waqt kar ke Padhne walo ke bare mai farmaya hai k ye munafiq ki Namaz hai k bethe bethe Suraj ka intezar karta rehta hai aur Jab Suraj pila pad jaye to khade ho kar ( Jaldi Jaldi murg ki tarah Chaar thonge maar leta hai ( aur ) khuda ko un ( sajdo ) mai ( Jo murg ki thongo ki tarah jhat pat kiye gaye ) bas Zara sa yaad karta hai ,

*Mishkaat Sharif_,*             
 ┗═════════════════✿
*┱✿ Aurto'n Ko Namaz Ki Khaas Taakeed ,*

┱ Hazrat Anas Raziyallahu Anhu se rivayat hai k Rasulullah Sallallahu Alaihivasallam ne irshad farmaya k Aurat Jab Panj waqta Namaz padhe aur Ramzan ke Roze rakhe aur Paak daaman rahe aur Shohar ki farmabardaari kare to Jannat ke Jis darwaze se chahe Jannat mai dakhil ho jaye _,"

*Mishkaat -186 Ba hawala-Abu Naiem ,*

*┱Tashreeh _,* _ is hadees Mubarak mai Aurat ko chand kaam anjaam dene per Jannat ki basharat di gayi hai , har Musalman Aurat ko in per Amal karna laazim hai , Avval Panj waqta Namaz padhne ko farmaya , Namaz har baalig Mard Aurat per Paanch waqt farz hai , in Paanch Waqto ko Sab Musalman jaante hai'n, Harj ho Marz ho ,safar ho hazar ho ,Dukh ho takleef ho ,ranj ho khushi ho ,Jis haal mai bhi ho jaha'n bhi ho Paanch waqt Namaz Padhna farz hai ,

┱ Aaj kal nafarmani ka Daur hai ,Allah Ta'ala ke Hukmo se gaafil rehne aur gunaho mai lat pat rehne ki fiza hai ,Bahut kam Mard Aurat ese hai'n Jinko khuda Wand Quddus ke Ahkaam per Amal karne ki fikr hai , Jab Maa'n Baap gaafil hai'n to Aulaad bhi be deen ho jati hai ,

┱Bahut se gharane ese hai'n Jinme 24 ghante mai kabhi kisi waqt bhi na Koi Namaz padhta hai na Dua ,na kalma Zubaan per aata hai, Kis Qadar Ranj ki baat hai k Poore Poore ghar Allah ki yaad se khaali ,Haalat dekh kar maloom hota hai k Mahalle ke Mahalle khuda ke nafarmaano se abaad hai'n, Jis kisi gali se guzro to gaano ki awaaze aati hai magar Bachche ke Qur'an Padhne ki awaaz nahi aati , inna lillaahi wa inna ilaihi raaji'uon,
     ┗═════════════════✿
*┱✿ Be-Namazi Ka Hashr _,*

┱ Namaz ki Pabandi har baalig Mard aur Aurat per laazim hai, Sarware do Aalam Sallallahu Alaihivasallam ne irshad  farmaya k Jisne Namaz ki pabandi ki ( Qayamat ke Din ) Namaz Uske liye Noor hogi aur ( Uske Imaan ki ) daleel aur ( Uske liye ) nijaat ka samaan hogi aur jisne Namaz ki pabandi na ki WO Shakhs Qayamat ke din Qaroon ,hamaan ,Firoun aur Ubai bin Khalf ke saath hoga _," 

*Mishkaat- Ba hawala Ahmad ,Daarmi ,Bahyqi ,*

┱ Dekho Jo Namaz Ki pabandi na kare uska Hashr kese bade Kaafiro ke saath bataya hai ,Jo Kufr ke sargane the aur Khuda ke baagiyo ke zikr mai jinka zikr sabse Pehle aata hai , Unke saath Hashr hone ke kaam karna badi na samjhi hai , Buzurgo ne bataya hai k in Chaar Shakhso ka zikr isliye kiya hai k Namaz chhodne wale umuman Chaar qism ke hote hai'n :-

1-- Jo Haakim hone ki vajah se Namaz chhodte hai'n, Ye log Firoun ke saathi hue kyunki WO Hukumat ki vajah se Allah ka baagi bana ,

2-- Jo maaldaari ki vajah se Namaz nahi padhte Ye log Qaroon ke saathi honge kyunki WO maal ki vajah se Khuda e Ta'ala ka nafarmaan bana tha ,

3-- Jo log mulazmat ,Naukri pesha ki vajah se Namaz nahi padhte ,Ye log Hamaan ke saath honge Kyunki usne Firoun ka Wazeer hone ki vajah se Khuda e Paak ki bagawat aur Sarkashi akhtyat ki thi ,

4-- Jo log Tijaarat ,Kaam dhandhe ki vajah se Namaz nahi padhte ,Ye log Ubai bin Khalf ke saath honge ,Ye Shakhs ek bada mushrik tha ,Tijarat karta tha ,Usko Huzoor Sallallahu Alaihivasallam ne Apne daste Mubarak se qatl farmaya tha ,

┱ in asbaab ke alawa bhi aur asbaab hai'n jinki vajah se Namaz tark ki jati hai, maslan Bachcho ki vajah se , Sone ki vajah se, Safar ki vajah se, Dukh takleef, Shadi Byaah ,in me aksar Namaze qaza hoti hai'n, Halanki Jab tak jaan mai Jaan hai aur hosh baqi hai Namaz tark karne ki Shari'at mai koi gunzaish nahi hai,
 ┗═════════════════✿
*┱✿Namaz mai Khushu v Khuzu ki Ahmiyat _,*

┱ Hazrat Umme Salma Raziyallahu Anha bayan farmati hai'n k hamara ek gulaam tha Jise Aflah kehte they, Ek baar Huzoor Sallallahu Alaihivasallam ne use Namaz padhte hue dekha WO Sajde mai jata to ( Gubaar saaf karne ke liye Sajde ki jagah ) foonk maar deta tha , Ye dekh kar Aap Sallallahu Alaihivasallam ne farmaya k Ey Aflah Apne chehre ko mitti mai milao _,"

* Mishkaat- Ba hawala Tirmizi,*

*┱Tashreeh _,* _ Namaz ibaadato se badi ibaadat hai aur vajah iski ye hai k isme insaan Apne Rab E Kareem ke Huzoor mai Apni zaat ko bilkul zaleel kar ke pesh kar deta hai aur Jisme insani mai Jo sabse Zyada Sharif uzv yani Sar hai ,usko sabse Zyada zaleel jagah Zameen per rakh deta hai , Sajde mai Sar rakh dena Aajizi v inksaari ka izhaar hai , 

┱ Isliye Sarware do Aalam Sallallahu Alaihivasallam ne Hazrat Aflah Raziyallahu Anhu se farmaya k Apne chehre ko mitti mai milaao , Namaz khud ko mitaane ke liye hai ,Takabbur ko todne ke liye aur Nafs ke guroor ko dabane ke liye hai ,Jab Namaz mai bhi ye dhyan raha k Kapdo mai Silwate na padhe aur maathe per mitti na lage to Allah Ta'ala ki taraf dhyan Kaha raha ? Namaz to Rabbul Aalameen ki azmat Dil mai basane ke liye hai jab Rab e Akbar ki badaai saamne aati hai to Apni shaan bilkul Hakeer maloom hoti hai ,
 ┗═════════════════✿
*┱✿ Har WO Cheez Makrooh hai Jisse Namazmai Dil bate _,*

┱ Har WO cheez jisse Namazi ka Dil batta ho aur Khuda e Paak ki taraf se dhyan hat kar kisi Makhlooq mai Dil ulajhta ho makrooh qaraar di gayi hai , Namazi ke saamne Diwaar ya musalle per naqsh nigaar hona , Badan ya Kapde se khelna, Zameen per giri kankriya Haath mai Lena , ye Sab makrooh hai ,
"_ Poori tarah mutavajjah ho kar Namaz Padhna k Namaz se bahar khayal na jaye ye khushu hai ,

*┱✿ Khushu Ka Sabse bada martaba kya hai ?* 

┱ Khushu ka sabse bada martaba to ye hai k is tarah Namaz padhi jaye k Goya Allah Ta'ala ko dekh rahe Hai'n , Ye kaifiyat haasil na ho sake to ye khayal karte hue Namaz padhe k Allah Ta'ala humko dekh raha hai ,Khoob dhyan karne aur baar baar isi taraf tavajjoh lagane se ye baat haasil ho jati hai,

"__ Allah Ta'ala ka irshad hai _ *" WO imaan wale Kamyaab hue Jo Apni Namaz mai Khushu karne wale hai'n _,"*

┱ Jis Namaz ka Aakhirat mai Sawab Lena hai aur Jise Baargahe khudawandi mai Pesh kar ke jannat haasil karna hai usko Be dhyani se padh Lena Badi na-layaqi ki baat hai ,Khoob Dil laga kar Namaz padho aur Namaz ko bahut badi ni'amat aur daulat samjho ,Zindgi ka Jo waqt Namaz mai lag gaya anmol ho gaya aur Zindgi ka ye hissa Zindgi kehne ke qabil ho gaya , Ye Momin ki Shaan hai k Khoob mustedi ke saath Duniya ke jhamelo se Dil faarig kar ke Namaz padhe ,
     ┗═════════════════✿
*┱✿ Munafiq Ki Namaz kesi hoti hai_,*

┱ Qur'an E Paak mai Munafiqo ka haal bayan karte hue irshad farmaya :- Jab Namaz ke liye khade hote hai'n to Susti ki haalat mai khade hote hai'n ,

"__Namaz Padhte waqt tabiyat per bojh aur Jism per Susti aur Kaahili sawaar hona Momin ki Shaan nahi hai ,Namaz Khushu khuzu aur Sukoon v itminaan ke saath padhni chahiye ,

*┱✿ Namaz Padhne Walo ke Sawab mai KamiBesi _,*

┱ Ek Hadees mai Aap Hazrat Sallallahu Alaihivasallam ne irshad farmaya k insaan Namaz se faarig hota hai Halanki Namaz ka sawaab ( mukhtalif likha jata hai )  Sawab ka dasva hissa ya nava hissa ya aathva hissa ya saatva hissa ya chhata hissa ya paanchva hissa ya chothaai hissa ya tihaai hissa ya aadha hissa likha jata hai,"

* Abu Daowd _,*

┱ Yani Jis darje ka khushu aur ikhlaas aur Sunnato ri'ayat Namaz mai hoti hai usi qadar Ajro Sawab milta hai ,
              
*┱✿ Hazrat Siddiqe Akbar Raziyallahu Anhu kiDaant _,*

┱Hazrat Abu Bakar Siddiq Raziyallahu Anhu ki Ahliya Hazrat Umme Romaan Raziyallahu Anha farmati hai'n k mai'n ek Din Namaz Padhte hue idhar udhar ko jhukne lagi ye Dekh kar Hazrat Abu Bakar Raziyallahu Anhu ne mujhe is zor se daanta k vajah se qareeb tha k mai'n Namaz tod du'n , Fir Hazrat Abu Bakar Raziyallahu Anhu ne farmaya k Maine Rasulullah Sallallahu Alaihivasallam se suna hai k Jab koi Shakhs Namaz ke liye khada ho to Apne tamaam badan ko suqoon se rakhe , Yahudiyo ki tarah idhar udhar ko na jhuke kyunki Namaz mai A'aza ko sukoon se rakhna Namaz ke poora hone ka Juzv hai ,_"

* Durre Mansoor ,*
 ┗═════════════════✿
*┱✿ Ruku aur Sajda Poora Na karna Namaz kiChori Hai ,*

┱ Hazrat Abu Qatada Raziyallahu Anhu ka bayan hai k Rasoole Kareem Sallallahu Alaihivasallam ne farmaya k Sabse bura Chor WO hai Jo Apni Namaz se Chori karta hai , 

Hazraate Sahaba Kiraam Raziyallahu Anhum ne sawal kiya -Ya Rasulallah Namaz se Kese Chori karta hai ?
Farmaya - Namaz se Chori karna ye hai k Namaz Padhne wala Apni Namaz ka Ruku Sajda Poora ada na kare ,"

* Mishkaat- 83 Ba hawala Musnad Ahmad,*

*┱Tashreeh _*_ Hadees mai ye bataya gaya hai k Namaz ka Ruku Sajda agar Poori tarah na kiya jaye to ye Namaz ki badtareen Chori Hai, Kyunki ye Aakhirat mai kaam aane wali daulat ko zaaya kar raha hai ,Jisse Jannat  Jesi Anmol niyamat milti hai ,

┱ Jab Namaz hi padhni hai to Waqt be waqt Kyu padhe aur Ruku Sajda ko Jaldi Jaldi fatafat tu chal mai aaya ki tarah Kyu kare ? Namaz itminan se padho ,Ruku Sajda itminan se karo , 

┱ Ruku ki tasbeeh itminan se 3 baar ,5 baar ya 7 baar padho fir itminan se Ruku se   khade ho ,Sajda itminan se kare aur Sajde ki tasbeeh 3 baar ,5 baar ya 7 baar padho ,Fir Sajde se uth kar itminan se beth jao , fir doosra Sajda bhi itminan se ada karo , Har Rukn ko theek theek itminan se ada karo ,
 ┗═════════════════✿
*┱✿ Baaz Namaziyo Ke Liye Namaz Ki Bad-Dua_,*

┱ Baaz rivayaat mai hai k Jo Shakhs Namaz ko be waqt kar ke padhe aur Wazu achchhi tarah na kare na usme poori tarah Dil lagaye na Ruku Sajda poora poora ada kare to Namaz Siyaah soorat mai waha se rukhsat hoti hai
Aur Ye  Bad Dua deti hui jati hai k Allah tujhe zaaya kare Jesa k tune mujhe zaaya kiya , Fir WO Namaz Purane kapdo  mai lapet kar Namaz Padhne walo ke moonh per maar di jati hai _,"

* Mafhoom Tabrani vagera,* 

┱ Allah Ta'ala hum sab ko ibaadat ka zoq ataa farmaye aur Namaz ko hamari Aankho ki thandak banaye __ Aameen ,

              ┗═════════════════✿
*┱✿ Sunane Mo'kada ka Ahatmam Karna bhiZaroori hai _,*

┱ Hazrat Umme Habiba  Raziyallahu Anha se rivayat hai k Huzoor Aqdas Sallallahu Alaihivasallam ne farmaya k Jo Shakhs Raat Din mai 12 raka'at Namaz padhega Jannat mai Uske liye ek ghar banaya jayega
( WO 12 raka'ate ye hai'n ) Chaar Raka'ate Zuhar se pehle aur Do Raka'ate Zugar ke baad aur Do Raka'ate Magrib ke baad aur Do Raka'ate isha ke baad aur Do Raka'ate Namaze Fajar yani Subeh ki Namaz se pehle _,"

* Tirmizi -1/81*

*┱Tashreeh _*Is Hadees ko rivayat karne wali Hazrat Umme Habiba Raziyallahu Anha Hai'n Jo Aap Hazrat Sallallahu Alaihivasallam ki Bivi Hai'n , Unhone is Hadees ko bayan karne ke baad farmaya- Jabse Maine ye hadees suni hai usi waqt se in raka'ato ko ahatmam aur Pabandi ke saath ada karti hu'n.  

┱ Fajar ke Farzo se pehle Do Raka'at Sunnate Sab Mo'akada Sunnato se bad kar inki takeed waarid hui hai , Hazrat Ayesha Raziyallahu Anha ne farmaya k Huzoor Aqdas Sallallahu Alaihivasallam gair farz namazo mai sabse Zyada pabandi Fajar ki do Sunnato ki karte they _," 
*( Bukhari v Muslim )*

┱ in do Sunnato ki fazilat bhi bahut Zyada hai Farmaya Sarware do Aalam Sallallahu Alaihivasallam ne - fajar ki do raka'ate saari duniya se aur Duniya mai Jo Kuchh hai us sabse behtar hai ,
*( Muslim Sharif )*

┱ Hazrat Ayesha Raziyallahu Anha ne farmaya k Huzoor Aqdas Sallallahu Alaihivasallam Zuhar se Pehle Chaar raka'ate aur Fajar se Pehle Do Raka'ate kisi haal mai nahi chodte they ,

*( Musnad imaam Ahmad)*              
     ┗═════════════════✿
*┱✿ Gair Mo'akada Sunnate aur Digar Nawafil _,*

┱ Mo'akada Sunnato ke alawa Gair Mo'akada Sunnato aur Nifl Namazo ka bhi ahatmam karna chahiye, Baat ye hai k insaan Duniya mai Jo kuch kar lega Aakhirat mai uska Fal pa lega ,Aakhirat ki tijarat mai nuqsan ka koi khatra nahi , Jaha'n tak mumkin ho Nifl Namazo mai bhi kotahi na ki jaye , 

┱Huzoore Aqdas Sallallahu Alaihivasallam ne farmaya k Qayamat ke din Bande ke a'amal mai sabse pehle namaz ka hisaab hoga ,Agar namaz theek nikli to Kamyaab aur Ba-muraad hoga aur agar Namaz kharab nikli to Sawab se Mehroon hoga aur nuqsan uthayega , Agar Farzo mai Kuchh kami nikli to Allah Ta'ala farmayenge ( dekho ) Kya mere Bande ki Kuchh gair farz Namaze bhi hai'n, Agar gair farz Namaze bhi hongi to unke zariye Farzo ki kami poori kar di jayegi ,fir digar A'amal ( roza ,zakaat vagera ) ka hisaab bhi isi tarah hoga ( yani nawafil se fara'iz ki takmeel ki jayegi )_,"

* Mishkaat Sharif ,*

┱ Allahu Akbar ! Kya thikana hai Allah Ta'ala ki inayat ka k fara'iz ki kotahi ko gair Farzo se poora farma denge , Ab Bando ki samajhdari hai k Sunnato aur Niflo ko mamooli na samjhe , Farz ke aage pichhe jo Sunnate hai'n unka aur Niflo ka Khaas khayal rakhe aur barabar padhte rahe taki Aakhirat ke buland darjaat naseeb ho aur Farzo ki kami bhi Poori ho , isse  Mehroon ho Jana badi nasamjhi hai ,Chaasht ,ishraaq ,Awwabeen aur Tahajjud Padhna bahut hi nafe ki cheez hai ,
                   ┗═════════════════✿

*┱✿ Farz Namaz Ke baad Do Raka'at Ka Sawab_,*

┱ Ek Sahabi Raziyallahu Anhu farmate hai'n k hum log Jab Khaibar Fatah kar chuke to logo ne Apna Apna maale ganimat nikala Jisme mutafarrik samaan tha aur qaidi ( bhi ) they ,Aapas mai Khareed farokht shuru ho gayi  ( k har Shakhs Apni zaruriyaat khareedne laga aur doosri zaa'id cheezo ki khareed farokht shuru kar di )

┱ Ek Sahabi Huzoor Aqdas Sallallahu Alaihivasallam ki khidmat mai haazir hue aur arz kiya -Ya Rasulullah Sallallahu Alaihivasallam Mujhe Aaj ki is Tijarat mai itna nafa hua k saari jama'at mai kisi ko bhi itna nafa na mil saka ,

Aap Sallallahu Alaihivasallam ne puchha -Kitna nafa hua ?
Arz kiya -mai'n samaan khareedta aur bechta raha Yaha'n tak k nafa mai Teen So Oqiya Chaandi bachi ,

┱  Huzoor Aqdas Sallallahu Alaihivasallam ne irshad farmaya :- Mai'n tumhe  isse badh kar behtreen nafa ki cheez na bataa du'n ?

Arz kiya- zaroor bataiye ,
Aap Sallallahu Alaihivasallam ne irshad farmaya k farz Namazo ke baad Do Raka'at padh lena ( is saare nafe se badh kar hai )_,"

* Abu Daowd_,*

┱ Dekho do Raka'at ka kitna nafa bataya gaya hai ,Ek Oqiya Chalees Dirham ka aur Ek Dirham 3 masha 5 Ratti ka hota hai , 300 Oqiya Chaandi ki qeemat ka hisaab laga lo , Fir Dekho Aakhirat ka Sauda kitne nafe ka hai ,
                   ┗═════════════════✿

*┱✿ Asr se Pehle 4 Raka'at Ki Fazilat_,*

┱ Asr se Chaar Raka'at Padhne Ke bare mai Huzoor Aqdas Sallallahu Alaihivasallam ne farmaya :- Us Shakhs per Allah Ta'ala Raham farmaye Jo Asr se Pehle Chaar Raka'at Namaz Padh le _,"

* Mishkaat Sharif ,*

*┱ Mashla_* Mo'akada Sunnato Ka darja Waajib ke qareeb hai unko chhodne se gunaah hota hai , *( Shaami _),*

┱_ Lambe Safar mai Rail Chhoot Jane ya Bus nikal Jane ka andesha ho ya Rail mai Jagah milne ki dushwari ho to Mo'akada Sunnato ko chhodne ki gunzaish hai magar Fajar ki Sunnate jaha'n tak mumkin ho padh hi le , Agar koi Shakhs Sakht mareez ho to WO bhi Mo'akada Sunnate chhod sakta hai lekin Vitr kabhi na chhode Kyunki Vitro ka darja Farzo ke qareeb hai , Agar isha ki Namaz qaza ho jaye to Farzo ke saath Vitro ki qaza bhi laazim hai _,"

┱ Agar Fajar ki Namaz qaza ho jaye to Suraj nikalne per Aankh khule to Sunnat aur Farz dono ki qaza padhe ,Agar Zuhar ka waqt aa gaya aur Fajar ki qaza nahi padhi to ab Sirf Fajar ke Farzo ki qaza padhe Sunnato ki qaza padhne Ka waqt guzar gaya ,

┱ Farz Namazo ke baad Jo Sunnate Hai'n unko Farzo ke saath hi padh le yani mukhtasar si Dua maang kar Sunnato mai mashgool ho jaye , Tasbihaat aur Lambi Dua Sunnato ke baad kare ,
     ┗═════════════════✿

*┱✿ Nifli ibadaat mai Miyana Ravi Ka Hukm _Hadees -1,*

┱ Hazrat Anas Raziyallahu Anhu se rivayat hai k ek martaba ( Raat ko ) Huzoor Aqdas Sallallahu Alaihivasallam masjid mai dakhil hue ( dekha k ) ek Rassi do sutoono ke darmiyan bandhi hui hai , Farmaya -Ye kesi Rassi hai ? Jawab mai arz kiya gaya k ye Hamna Binte Jahash Raziyallahu Anha hai ( Jo dair tak Raat ko namaz padhti rehti hai unhone ye baandhi hai ) ,Namaz Padhte Padhte jab thak jati hai to ( Susti utaarne ke liye ) isse latak jati hai ,

┱ Aap Sallallahu Alaihivasallam ne farmaya - Jab tak Taaqat ho Namaz padhti rahe ,Jab thak jaye to beth jaye ,Fir ( Aap Sallallahu Alaihivasallam ne ek or Rassi dekhi )  farmaya -ye kya hai ? Hazireen ne arz kiya k ye Zainab Raziyallahu Anha ( ne baandhi hai WO Raat ko ) namaz padhti rehti hai, Jab Susti aa jati hai to isko pakad leti hai, 

┱ Aap Sallallahu Alaihivasallam ne farmaya - isko khol do ,fir ( mustaqil tareeqe per qa'ada batate hue ) irshad farmaya k jab tak tabiyat mai baahashat rahe ( Nifl ) namaz padhte raho ,fir jab Susti aa jaye to beth Jana chahiye _,"

* Sunan Abu Daowd -1/186 ba hawala Bukhari -1/154 v Muslim -1/266 ,*
     ┗═════════════════✿

*┱✿ Nifli ibadaat mai Miyana Ravi Ka Hukm _Hadees-2,*

┱ Hazrat Ayesha Raziyallahu Anha ne ( Apne Bhanje ) Hazrat Urwah bin Zubair Raziyallahu Anhu ko bataya k ( ek martaba ) Hawla bint Tuwait Raziyallahu Anha mere Paas se guzri , Us waqt Huzoor Aqdas Sallallahu Alaihivasallam mere Paas Tashreeh rakhte they, Maine arz kiya k Ye Hawla bint Tuwait hai ,Logo ka bayan hai k ye Raat ko nahi soti hai ( aur Namaz hi padhti rehti hai ) ,

┱ Aap Sallallahu Alaihivasallam ne nagawari ka izhaar karte hue ) farmaya - Raat bhar nahi soti ? ( Fir farmaya ) k is qadar Amal karo jitni taaqat ho , Pas Allah ki qasam Allah Ta'ala bad dili wala maamla nahi farmate ( yani Apne Fazal v Sawab ko nahi rokte ) jab tak tum bad Dil na ho jao _,"

* Sahih Muslim - 1/266_*

*┱ Tashreeh _,*_ Dono Hadeeso mai Jaha'n Sahabi Khawateen Raz. Ke tahajjud padhne ke zoq v shok ka pata chalta hai  wahi Huzoor Aqdas Sallallahu Alaihivasallam ki ye nasihat bhi saamne aati hai k Tahajjud padhne ke liye Nafs ke saath sakhti karna durust nahi hai ,Jab tak tabiyat mai nishat ,khushi aur bashashat rahe us waqt tak tahajjud mai lage raho ,Nafs ke saath zabardasti karna ,Rassi se latak jaye ya Aankho mai koi cheez daal li jisse neend bhaag jaye ye mamno'a hai , Agar tabiyat mai Susti ho ,bashashat na ho ,Aankho mai neend bhari ho ,jamhaiya aa rahi ho ,kehte Kuchh ho aur Zubaan se nikalta Kuchh or ho ,is haalat mai tahajjud padhne ke bajaye araam kar Lena aur sona behtar hai ,

┱ Hazrat Ayesha Raziyallahu Anha farmati hai'n k Huzoor Aqdas Sallallahu Alaihivasallam ne farmaya -  "__Allah ko Sabse Zyada Mehboob Amal  WO hai Jo sabse Zyada Pabandi ke saath ho agarche thoda hi ho _," 

*  Muslim -266 ,*
     ┗═════════════════✿

*┱✿ Nifli ibadaat aur Ahlo Ayaal Ke Huqooq _,*

┱ Jisne Jawani mai Miyana Ravi se kaam nahi liya aur Nafs ko bahut Zyada mehnat mai mashgool rakha ,isliye to Abdullah bin Amru bin Aas Raziyallahu Anhu Budhape mai Afsos karte they k kaash mai Huzoor Sallallahu Alaihivasallam ki irshad ki hui rukhsat ko maan leta ,Agar Miyana Ravi se chalte rahe to Jawani aur Budhape mai barabar kaam chalta rahega aur thoda thoda ( magar pabandi se kiya ) bahut ho jayega ,

┱ Ibaadat mai bahut Zyada Mehnat kar ke Budhape mai pad Jane aur ibaadat ke chhoot Jane ke nuqsaan ke alawa Nafs aur Aankh ke huqooq aur Ahlo Ayaal aur mehmano ke huqooq ki adaygi ka bhi koi moqa ESE gulu karne wale Aabid ko nahi milta ,isliye Huzoor Aqdas Sallallahu Alaihivasallam ne Hazrat Abdullah bin Amru bin Aas Raziyallahu Anhu ko miyana ravi ka hukm farmate hue irshad farmaya k tumhare Nafs aur Bivi aur Mehmano ka bhi tum per Haq hai ,

┱ Bahut se Mard aur Aurat Apni buzurgi aur ibaadat ke ghamand mai ghar walo aur Mehmano ka Haq nahi pehchante , Mehman ka Haq itna hi nahi hai k bas usko Roti khila di ,Bistar per sula diya ,balki Uske huqooq mai ye bhi hai Uske saath uthe bethe ,baat cheet kare ,Uske saath waqt guzaarna ,hansna bolna ,Paas bethna ,Uske saath Khana khususan jabki qareebi rishtedar ho ye bhi Deendari aur buzurgi mai Shamil hai ,

┱ Ahlo Ayaal ka bhi Haq hai unse bole baate kare ,dildaari kare ,Bivi Shohar ka ,Shohar Bivi ka khayal rakhe ,Bahut se Mard ibaadat mai Gulu karte hai'n ,Raat Raat bhar namaz padhte hai'n aur Bivi se jhoote moonh bhi baat nahi karte , Halanki uska Dildaari karna ,Baate karna ,Dillagi karna ,Saath bethna uthna ,letna ye Sab ibaadat hai aur Ye Bivi ke huqooq mai Shamil hai, isi tarah bahut si Aurte'n Apni Jahalat Ki vajah se  zarurat se Zyada Deendar ban jati hai'n, Shohar Bechara moonh taakta rehta hai, bahut si Aurte'n Nifl roze rakhti chali jati hai'n, Jisse Shohar ke huqooq ki adaygi mai bahut Kotahi hoti hai, Halanki Shohar ghar per ho to uski ijazat ke bager Nifli roze rakhna mana hai ,

*"__Khulasa _* _ Ye hai k Nafs ,Jism ,Bivi ,Shohar ,Mehmaan ,Aulaad sabka khayal rakhe hue Nifli ibaadat karna chahiye, Miyana Ravi ke saath sab kam karte rahe ,   Jesa k Huzoor Aqdas Sallallahu Alaihivasallam ne un teen Aadmiyo se farmaya - (Jo Aap Sallallahu Alaihivasallam ki azwaaje muhatraat Raziyallahu  se Aapke andruni Khana ibadaat maloom karne ke liye aaye they,)  K mai'n Roza bhi rakhta hu'n ,Be Roza bhi rehta hu'n ,Raat ko Namaz bhi padhta hu'n aur sota bhi hu'n ,algaraz Miyana Ravi Deen mai Pasandida hai , 
           ┗═════════════════✿

*┱✿ Aurto'n ko Ghar mai Namaz Padhne Ka Hukm _,*

┱ Hazrat Abdullah bin Masoud Raziyallahu Anhu se rivayat hai k Rasulullah Sallallahu Alaihivasallam ne irshad farmaya k Aurat ki Namaz Jo Uske kamre mai ho us Namaz se behtar hai Jo Uske dalaan mai ho aur uski Namaz Jo andar wale khusoosi Kamre mai ho us Namaz se behtar hai Jo kisi aam kamre mai ho ,

┱ Aur ek rivayat mai hai Jo Hazrat Umme Salma Raziyallahu Anha se marvi hai k Aurat ki Namaz Jo uski haweli mai ho us Namaz se behtar hai Jo Uske qabeele ki masjid mai ho ,

┱Ek aur Hadees mai hai Jo Hazrat Abdullah bin Umar Raziyallahu Anhu se marvi hai k Aurat Chhupa kar rakhne ki cheez hai aur Beshak jab WO ghar se baahar nikalti hai to use shaitaan takne lagta hai aur Aurat us waqt sabse Zyada Allah se qareebtar hoti hai jabki WO Apne ghar ke andar hoti hai ,

* Targeeb v Tarheeb , 1/135 ,*

*┱ Tashreeh_* _ in rivayaat mai Aurto'n ko bataya gaya hai k WO Namaz Padhne ke liye masjid mai Jane Ki fikr mai na pade kyunki ghar se bahar tarah tarah ke Aadmi hai'n, Shaitaan ke lashkar hai'n ,Jinki shehwana bad nazri aur gunahgari hai , Aurto'n ko farmaya gaya hai k WO apne  ghar se bahar na nikle haa'n agar bahut hi Zyada majboori hai to khoob Zyada parde ke ahatmam ke saath nikalne ki ijazat di gayi hai , Hadees mai farmaya gaya hai k Aurat ko Allah ki nazdeeki sabse Zyada us waqt haasil hoti hai jabki WO Apne ghar ke andar ho aur Aurat ki WO namaz sabse behtar hai Jo andruni andar bilkul Aakhri kamre mai ho , 
┗═════════════════✿

*┱✿ Hazrat Umme Humaid Raziyallahu Anha Ko Aap Sallallahu Alaihivasallam Ki Hidayat _,*

┱ Hazrat Umme Humaid Raziyallahu Anha ek Sahabi Aurat thi Unhone arz kiya Ya Rasulullah Sallallahu Alaihivasallam mai'n Aapke saath Namaz Padhne ko Mehboob rakhti hu'n ,

"__Aap Sallallahu Alaihivasallam ne farmaya mujhe maloom hai k tum mere saath Namaz Padhna chahti ho Halanki tumhara kamre mai Namaz Padhna dalaan mai Namaz Padhne se behtar hai aur dalaan mai namaz Padhna ghar ke sahan mai namaz padhhe se behtar hai aur ghar ke sahan mai Namaz Padhna tumhare apne qabeele ki masjid mai namaz padhne se behtar hai aur tumhare apne qabeele ki masjid mai Namaz Padhna isse behtar hai k tum meri masjid mai aa kar Namaz padho ,

( Raavi ka bayan hai k ) ye baat sun kar Hazrat Umme Humaid Raziyallahu Anha ne apne namaz padhne ki jagah apne ghar ke bilkul Aakhri andruni hisse mai muqarrar kar li jaha'n khoob taariki thi aur Maut aane tak barabar usi mai namaz padhti rahi ,

* Targeeb v Tarheeb Ba rivayat Ahmad v ibne khuzaima v ibne Hibaan ,*

┱ Us zamane mai Aurto'n ko Deen ki baato per Amal karne ka jazba tha ,unhone Sarware Aalam Sallallahu Alaihivasallam ki baat sun kar Apne ghar ke bilkul andruni hisse ko Namaz ki jagah bana li aur wahi maut tak namaz padhti rahi , Aaj kal ki Aurte'n Hadees bhi sunti hai'n, Kitaabe bhi padhti hai'n aur Shari'at mai Jo Parde ki Ahmiyat hai usko bhi jaanti hai'n Lekin phir bhi Amal karne se gurez karti hai'n, Deeni Zindgi guzaarne ki Khaas ragbat hi nahi rahi aur Jinko Deen ki taraf tavajjoh hai WO bhi Deeni Ahkaam ko tabiyat ke mutabiq ada karna chahti hai'n , Shari'at ke mutabiq anjaam dene ka iraada nahi karti ,Halanki tabiyat per chalne mai Sawab nahi Shari'at per chalne mai Sawab milta hai ,
┗═════════════════✿

*┱✿ Masajid Mai Aurto'n Ke Jane Ki Muma'anat_,*

┱ Baaz Aurto'n ko namaz ka shoq Aur Zoq hota hai Jo bahut Mubarak hai Lekin Masjido mai jaa kar Namaz Padhne ki Ragbat rakhti Hai'n aur bahut se moqo per ( maslan Shabe bara'at ,Khatme Qur'an vagera ) mai masjid mai pahunch jati hai'n aur isko Sawab samajhti hai'n, Halanki Be pardgi ho jati hai aur Bachche Saath hone ki vajah se Masjid ki be hurmati bhi hoti hai, Waha'n beth kar baate banati hai'n jisse Mardo'n ki Namaz mai khalal hota hai, Ye Sab cheeze esi hai'n jinse parhez karna laazim hai ,

┱ Hazrat Umme Humaid Raziyallahu Anha ki rivayat se maloom hota hai k unhone Huzoor Sallallahu Alaihivasallam ke saath namaz padhne ki Khwahish zaahir ki us per Aap Sallallahu Alaihivasallam ne ghar ke andar wale kamre mai namaz padhne ki naseehat farmayi ,Halanki Huzoor Aqdas Sallallahu Alaihivasallam ki Masjid ki ek Namaz Hazaar namazo se behtar hai, Maloom hua k Aurto'n ko ghar mai namaz Padhna laazim hai,

┱ Hadees mai Huzoor Aqdas Sallallahu Alaihivasallam ka Umme Humaid Raziyallahu Anha ko ye bayan farmana k Apne qabeele ki masjid mai namaz Padhna meri masjid mai namaz padhne se behtar hai, Ye us waqt Ki baat hai jab Aurte'n Parade ka ahatmam karte hue, Khushbu lagaye bager Masjid mai namaz ke liye jata karti thi , aur is per ye qanoon tha k Farz namaz ka salaam fer kar pehle Aurte'n chali jati thi , Unki saf sabke pichhe hoti thi ,Huzoor Sallallahu Alaihivasallam aur Aapke saath doosre Namazi Apni jagah per bethe rehte they Jab Aurte'n chali jati tab uthte they ,

┱ ┱ Aaj kal na to Parde ka ahatmam hai na Mardo'n mai Taqwa v taharat hai ,Na Aurto'n mai Saada libaas ka rivaaj hai , Khoob ban sanwar kar khushbu laga kar nikalti hai'n, Burqa bhi aaj kal Fool daar ,bhadak daar pehanti hai'n, Bahut si Aurte'n to moonh khol kar chalti hai'n, Kuchh esi bhi hai'n jinka naqaab mai se chehra jhalakta rehta hai, in halaat mai bahar nikalne ki kese ijazat ho sakti hai? Aasteen Aadhi balki bila Aasteen ke Karte aur Frock pehne hue Chhote dupatte ki Chaar ungal wali ek katran gale mai daal kar chal deti hai'n, Mardo'n ki nazre unki taraf khichti hai aur ese Libaas mai Namaz bhi nahi hoti ,is haalaat mai bahar nikalna kisi tarah bhi  jaa'iz nahi ,

┱ Hazrat Ayesha Raziyallahu Anha ne Apne Zamane ki Aurto'n ke bare mai farmaya tha k Huzoor Aqdas Sallallahu Alaihivasallam Agar Aurto'n ka ye dhang dekh lete Jo unhone aaj bana liya hai to unko Zaroor ( sakhti ke saath ) Masjid mai aane se mana farmate Jesa k ( doosri ummato mai ) Bani Israiyl ki Aurte'n ROK di gayi thi _,"

* Bukhari Sharif- 1/130_*

┱ Jab Aurto'n ko Jama'at se Namaz ke liye ( Masjid mai) Jane se ROK diya gaya to Melo Thelo mai aur Parko mai aur Bazaro mai aane Jane ka to sawal hi Paida nahi hota , Aaj kal ajeeb rivaaj ho gaya hai k Kapda aur Sabzi Tarkaari vagera khareedne aur Khaangi zarurat ki cheeze Bazaar se lana logo ne Aurto'n ke zimme daal diya hai Ya Aurto'n ne zabardasti Mardo'n ke is kaam per qabza kar liya hai , Ye baat Mardo'n ke liye Sharm ke laa'iq hai ,
              
          ╙══════════╜ 

ReF✿┅╮    
*Tohfa E Khawateen,*

  ╟❥ *Next- Fazaile Qur'an__  in Sha Allah*                     
                  ╨─────────────────────